web counter
LEXO PA REKLAMA!

SHKARKO APP

App Store
Google Play

E fundit!

x

4 dështakët e Ilir Metës

29 Janar 2017, 17:17, Aktualitet CNA

Lëvizja Socialiste për Integrim ka nisur një fushatë agresive ndaj ministrave të Partisë Socialiste në qeveri, për punën e tyre dhe problematikave që duhen zgjidhur.

Ditët e fundit, përfaqësues të LSI kanë akuzuar drejtpërdrejt Ministrin e Brendshëm Saimir Tahiri apo edhe kryebashkiakun Vangjush Dako.

Por, qeveria e ?Rilindjes? nuk është vetëm e Partisë Socialiste, por e koalicionit PS-LSI, nënshkruar më 1 prill 2013. Pra, LSI është pjesë e qeverisë, me 4 ministra, disa drejtori të rëndësishme, të cilat dyshohet se kanë kryer po aq abuzime sa pala tjetër, për të mos thënë më shumë.

4 dështakët e Metës

Ministria e Transporteve/ Deri para disa muajsh kjo ministri drejtohej nga Edmond Haxhinasto, i cili nuk ndërtoi asnjë centimetër rrugë. Për më tepër u bë pjesë e akuzave të shumta nga mediat për afera korruptive dhe tendera të paravendosura. Haxhinasto i la vendit Sokol Dervishaj, i cili luan rolin e kukullës së tenderave Metës.

Ministria e Bujqësisë/ Edmond Panariti, njeriu që pëlqen të dalë në televizione, pëlqen të takojë fermerët, por vetëm kaq. Asnjë e re nga bujqësia, asnjë investim. Panariti është thjesht një kukull që  menaxhohet nga sekretari tij, njerëz të Metës që kalojnë në duar paratë e investimeve në bujqësi.

Ministria e Integrimit/ Dështimi më i madh i ministrive të LSI. Kryeministri Rama nuk flet me ministren e Klajda Gjosha. Madje në qarqet mediatike thuhet se në momentin që Gjosha shkon në mbledhjet e qeverisë, Rama ironizon me shprehjen: erdhi kukulla

Ministri e Mjedisit/ Leftes Koka, njeriu që betonizoi Durrësin. Njeriu që po lejon po lejon prerjen e pemëve edhe pse qeveria ka vendosur moratorium. Pyjet po shkatërrohet, ndërsa Koka jep leje shfrytëzimi ku të mundet.

Më sipër janë renditur vetëm ministritë që kontrollohen nga LSI, por janë edhe disa drejtori që abuzojnë me fonde.

Mjafton të përmendim atë të patentave apo Autoritetin Rrugor. Kjo e fundit është kapur në shkelje flagrante nga KLSH, por dosja fle në tavolinën e kryeprokurorit Adriatik Lllalla.

Ministritë dhe institucionet e tjera që drejtohen nga LSI, në fakt janë po aq të dështuara dhe aty ka po aq vjedhje sa edhe në ato që drejtohen nga PS. Ato funksionojnë me urdhër të Metës dhe janë bandat e tij./CityNews





Lajmet e fundit nga