web counter
LEXO PA REKLAMA!

SHKARKO APP

App Store
Google Play

E fundit!

x

Adriatik Llalla mban peng telefonat e Artan Hoxhës

25 Janar 2017, 10:04, Aktualitet CNA

Gazetari Artan Hoxha u shoqërua në prokurori mbrëmjen e 15 shtatorit 2016, menjëherë pas përfundimit të emisionit Opinion në TV Klan.

Shoqërimi i Hoxhes u bë me argumentin se gjatë emisionit kishte nxjerrë sekretin hetimor, që lidhej me qëndrimin e tij për pilotin italian, Guido Guidi, i cili po atë ditë kishte fluturuar në Shqipëri dhe më pas avioni i tij ishte rrëzuar afër Ishmit në Durrës.

Hoxha deklaroi në emision se Prokuroria e Krimeve të Rënda kishte marrë në mbrojtje pilotin italian të akuzuar për trafik ndërkombëtar droge. Sipas gazetarit, Guido Guidi ishte strehuar nga prokuroria në një nga hotelet e Durrësit pas marrëveshjes se ai do bashkëpunonte me drejtësinë.

Gazetari investigativ, Artan Hoxha, pas qëndrimeve të tij u shoqërua në prokurori, ku ju sekuestruan telefonat dhe më pas u la i lirë. Hoxha është paraqitur edhe disa herë të tjera në istitucionin e akuzës që kërkon nga ai të tregojë burimin e informacionit.

Mësohet se pas më shumë se 4 muaj Artan Hoxha ende nuk ka mundur të rimarrë telefonat e tij, të cilët janë çuar për ekspertizë nga pokuroria. Dje piloti Guido u la i lirë nga gjykata, ndërsa gazetarit Hoxha ende i mbahen telefonat. I akuzuari kryesor është i lirë me telefonat e tij në xhep, ndërsa gazetari nuk mund t?i ketë.

Mesa duket, dikush nga lart istitucionit urdhëron bllokimin e tyre dhe mbajtjen peng. Më shumë sesa problematikë ligjore, duket të jetë qëndrim personal dhe politik i drejtuesve të lartë të Prokurorisë së Krimeve të Rënda, pse jo dhe Prokurorit të Përgjithshëm./CityNews





Lajmet e fundit nga