web counter
LEXO PA REKLAMA!

SHKARKO APP

App Store
Google Play

E fundit!

x

Elbasan/ Goditen dy raste mitdhënie

25 Janar 2017, 09:56, Aktualitet CNA

Nga policia e Elbasanit janë evidentuar dy raste të mitdhënies. Dy drejtues mjetesh të cilët janë arrestuar në flagrancë, i kanë ofruar rryshfet punonjësit të policisë rrugore, me qëllim që ti shmangeshin masës administrative.

Specialistët e Seksionit për Hetimin e Korrupsionit,  në Drejtorinë Vendore të Policisë Elbasan, në bashkëpunim me efektivat e policisë rrugore  në Komisariatin e Policisë Elbasan dhe Librazhd bënë arrestimin në flagrancë të shtetasve Artur Papraku,  28 vjeç, banues në fshatin Kodër Bujarës, Elbasan.

Arrestimi i tij u bë pasi në aksin rrugor Elbasan – Llixhë,  është ndaluar nga Patrulla e Policisë Rrugore, për arsye se ka qënë duke drejtuar në shkelje të Kodit Rrugor, mjetin  bujqësor  Zetor  pa targa. Në momentin e ndalimit ky shtetas ka tentuar t’i jap 500 lekë punonjësit të policisë rrugore, për të mos marrë masë administrative për drejtim mjeti pa targa.

Shtetasi i dytë është  Arjan Bogdani,  27 vjeç, banues në Prrenjas. Arrestimi i tij u bë pasi në aksin rrugor Prrenjas ? Katjel, në vendin e quajtur ?Urakë? është ndaluar nga Patrulla e Policisë Rrugore, për arsye se ka qënë duke drejtuar në shkelje të Kodit Rrugor mjetin tip ?Benz? furgon pa targa.

Në momentin e ndalimit, ky shtetas ka tentuar t’i jap 1000 lekë punonjësit të policisë rrugore, me qëllim që ti shmangej masës administrative për drejtim mjeti pa targa. Policia sekuestroi në cilësinë e provës materiale mjetet  dhe lekët.

Ndaj tyre materialet i kaluan Prokurorisë së Rrethit Gjyqësor Elbasan për  veprime të mëtejshme, për veprën penale “Korrupsion aktiv i personave që ushtrojnë funksione publike”. /CityNews/





Lajmet e fundit nga