Mos qani për Lelën dhe Shkullakun/Janë viktima të vetvetes

12 Janar 2017, 08:57, Aktualitet CNA

Dje dhjetra kolegë gazetarë reagonin në rrjetet sociale për dy drejtues mediash që ishin larguar nga detyra e tyre. Armand Shkullaku nga ABC news dhe Alfred Lela nga Mapo.

Të dy drejtues prej disa vitesh. Reagim që vinte si qëndrim ndaj një çensure apo kontrrolli të vazhdueshëm që qeveria dhe krybashkiaku i Tiranës kërkojnë të vendosin mbi mediat.

Një pjesë e mirë e medias janë vetë çensuruar në fakt, disa të tjerë vazhdojnë pazaret si dje me qeverinë Berisha dhe nuk ka asnjë ndryshim. Vetëm Berisha nuk bëntë këtë reagim dhe kontrroll mediatik, ai përplasej me mediat, por nuk ishte paranojak si Rama dhe Veliaj ndaj saj.

Shkullaku dhe Lela janë pjesë e këtyre mediave që pardje i shërbenin Metës dhe Nanos, dje Berishës, sot Ramës. Diku si opozitarë, diku si servilë, diku nga inati e diku sepse nuk morën një copë torte nga ajo që dëshironin.

Shkullaku dhe Lela janë pjesë e këtij sistemi mediatik që nuk reaguan dhe nuk folën kurrë për padronët e tyre. Nuk ka asnjë rast të Shkullakut që ai të flasë për Sandrin dhe çështjet e tij, sepse paguhej disa milionë lekë si drejtues, gazetarë mernin lëmoshë. Kurrë nuk foli për pronarin ndërtues, mik të kryeministrave të përfshirë në dhjetra afera dhe të tregonte përfitimet e Frangajt nga fondet publike. Dhe Shkullaku nuk duket të ketë ikur për problem të mëdh, por sepse ABC news po ndryshon pronar dhe është normale që pronari i ri të emërojë një drejtor të ri informacioni.

Alfred Lela është i njëjtë ska asnjë ndryshim, për më tepër dredharak mediatik dhe pa shtyllë kurizore. Larg profilit të Shkullakut. Shërbëtor i neverishtshëm i Henri Cilit i cili kërcen në prehërin e çdo kryeministri. Njeriu që përfitoi nërpërmjet ligjit të arsimit të lartë të Ramës, i mbështetur dhe nga PD apo një sekt i tij brenda opozitës. Lela është shërbëtor i paepur i këtij klienti pushteti dhe nuk largohet për moral, pasi ka mbushur cantën me milionat e Cilit, që vijnë nga lekët që paguajnë studentët, në një universitet që pas kontrrollit të Ministrisë së Arsimit duhet të mbyllej si Kristali, por atëherë Lela heshti nuk foli, sepse paguhej miliona. Lela heshti për pagatorin e tij klient të qeverisë në katër vite apo tete vite. Heshti dhe dje u largua. Nuk ra bomba. Iku një ushtar i Çillit pronar do shkojë një ushtar i Çilit pronar që nuk ka media, por instrumenta në shërbim të interesave të tij klienteliste. Këtë nuk e tha Lela dhe nuk e ka thënë kurre publikisht.

Kanë ikur me dhjetra gazatarë e drejtues, por të gjithë heshtin, kur paguhen mirë e qajne kur i largojnë. Nuk folën kur iku Zaganjori, edhe kur iku Andi Bejtja edhe kur kanë ikur të tjerë, të gjithë heshtin. Përplasje linjash editorial, ndërhyrje e qeverisë, dëshirë e pronarëve e kështu me rradhë.

Në fakt asnjë nuk është i paprekshëm për sa kohë gazetarët nuk janë të organizuar dhe nuk reagojnë me moral, së pari ndaj botuesve apo pronarëve të medias apo ndaj kolegëve të tyre. Kur heshte dje pasojat i vuan shot, dje sherbetor sot shërbetor më pak i paguar ose i papunë.

Dhe problemi janë pronarët dhe vetë shërbëtorët e tyre si Lela apo Shkullaku. Të parët në shqipëri kërkojnë Vetting, kontrroll pasurie, janë klientela e korruptuar dhe më e qelbur e qeverisë që fillon nga pallatet dhe nuk ndalet as tek trafiku i drogës. Të fundit janë viktima të vetvetes./Elvi FUNDO Citynews