web counter
LEXO PA REKLAMA!

SHKARKO APP

App Store
Google Play

Shënim/Dështimi i Veliajt dhe paaftësia e Bashkisë të Tiranës

12 Janar 2017, 08:20, Aktualitet CNA

Kryebashkiaku Veliaj çdo ditë na shfaqet në ekrane edhe kur mbjell një pemë, kur vendos një rrugë, kur takon dikë në rrugë apo kur flet me ndonjë ish mjaftist në telefon. Veliaj kujdeset që imazhi i tij të jetë i një njeriu punëtor në shërbim të qytetarëve dhe shumë social.

Në fakt cështjen e të qenit social e bën qesharake me sjelljet e tij të kopjuara, por gjithsesi si kopjac nuk është i keq, por ngelet vetëm një kopjac.

Dje në mbremje në Tiranë u rregjistrua dështimi tjetër i tij, pas skandaleve të vazhdueshme dhe abuzimeve me detyrën. Tirana u përfshi nga reshjet e deborës që mbuluan qytetin.

Asnjë punonjës bashkie, asnjë automjet me kripë, asnjë mjet pastrues në Tiranë. Thjesht njerëz që festonin dhe mjete që përplaseshin, pasi rrugët u bënë të rrezikshme.

Veliaj disa ditë më parë tha mos shkoni në Dajt se do bjerë dëbore. Disa muaj më parë tha kujdes mos dilni se bie shi. Dje që ra dëborë shtruar nuk pati asnjë paralajmërim dhe asnjë veprim të qartë të bashkisë Tiranë që të njoftonte apo parandalonte pasojat e reshjeve.

Debora ra, dhjetra mjete janë përplasur, miliona lekë dëme dhe askush nuk foli. Të shpresojmë që koha të zbutet e dëbora të shkrijë, se po të jetë për Veliajn, spitalet do jenë plot me njërëz që janë rezuar dhe kanë përsuar dëmtime, sepse në trotuarët e Tiranës nuk u hodh asnjë lopatë kripë, edhe në rrugë e bulevarde asnjë lopatë kripë. Asnjë masë emergjente dhe asnjë reagim. Dje bashkia e Tiranës dhe Veliaj dështuan, pasojat i vuajnë qytetarët. Lekët e ndonjë lopate kripë pritet ti vjedhë klienti i rradhës./Citynews





Lajmet e fundit nga