web counter
LEXO PA REKLAMA!

SHKARKO APP

App Store
Google Play

Epidemia e gripit dhe moti i keq/ A duhet të shtyhet nisja e shkollës, kopshteve dhe çerdheve ?

5 Janar 2017, 13:04, Aktualitet CNA

Epidemia e gripit në vend ka detyruar Ministrinë e Shëndetësisë të vendosi mbylljen e shkollave, kopshteve dhe çerdheve për datat 4,5,6 janar. Kjo si masë për të parandaluar përhapjen e mëtejshme të gripit.

Por, sipas parashikimit të motit, vendi do të përfshihet nga temperatura edhe më të ulëta, të cilat në disa zona do të shkojnë deri në -20 gradë. Kjo favorizon përhapjen e virusit AH3N2 që po qarkullon aktualisht në vendin tone, i cili konsiderohet nga specialistet infeksionistë si më agresivi nga të gjitha llojet e viruseve.

Nga ana tjetër Organizata Botërore e Shëndetit bën me dije se Shqipëria është një nga vendet me nivel të lartë në hartën e gripit që po qarkullon në Europë. Ndërkohë, ISHP bën thekson se Shqipëria përllogarit rreth 16 mijë të prekur në një javë.

Të gjitha faktet e mësipërme tregojnë se situata është duke u përkeqësuar më shumë se sa disa ditë më parë kur Ministria e Shëndetësisë vendosi mbylljen e shkollave.

Temperaturat e ulëta mund të favorizojnë përhapjen e mëtejshme të gripit dhe në kushtet e kontaktit mes tyre, situata për fëmijët dhe nxënësit ka tendencë të përkeqësohet.

Pa llogaritur këtu kushtet e vështira që ndodhen institucionet e arsimit. Në shumicën prej tyre nuk ka ngrohje dhe  ndërsa në rrethe disa prej godinave nuk janë të izoluara ose mungojnë xhamat dhe dyert.

Me përjashtim të kryeqyteti ku mund të thuhet se në disa institucione arsimore ka sisteme ngrohjeje, në qytete të tjera zhvillimi i mësimit është thuajse i pamundur në ditë normale, e jo më në situate emergjente ku gripi dhe acari rrezikojnë nxënësit./citynews





Lajmet e fundit nga