E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbardhet skema për sekuestrimin e pasurive korruptive/ Dyshimi bllokon banesat, bizneset e llogaritë bankare të politikanëve

5 Janar 2017, 12:53, Aktualitet CNA

Zbardhet drafti i ri antimafia që synon goditjen e krimit të organizuar dhe korrupsionit. Drafti antimafia është një ndër 27 projektligjet që në javët në vijim do diskutohet dhe miratohet në Komisionin parlamentar të Ligjeve. Risia në këtë draft është se banesat, bizneset dhe llogaritë bankare që mund të zotërojnë zyrtarët e nivelit të lartë si politikanë, gjyqtarë dhe prokurorë mund të vihen nën sekuestro vetëm duke patuar një indicie ose dyshim.

Kështu, në rast se një media publikon një material për pasuritë e një zyrtari që dyshohet se janë bërë në rrugë të paligjshme, ky material do të përbëjë një indicie që organet përgjegjëse të vënë nën sekuestro këtë pronë dhe më pas të vijohet me hetime të thelluara, shkruan ?SOT?. Në nenin 3 të projektligjit janë të detajuara rastet kur një zyrtari mund t?i sekuestrohet pasuria për të cilën ka dyshime se është krijuar në rrugë jo të ligjshme.

?Dispozitat e këtij ligji zbatohen për pasuritë e personave, që zotërohen plotësisht ose pjesërisht, në mënyrë të drejtpërdrejtë ose jo, siç përcaktohet në pikën 2 të këtij neni mbi të cilët ekziston një dyshim i arsyeshëm, i bazuar në indicie, për: a) pjesëmarrje dhe kryerje të krimeve nga banda e armatosur, organizata kriminale dhe grupi i strukturuar kriminal, të parashikuara nga kreu XI i Kodit Penal; b) pjesëmarrje dhe kryerje e krimeve nga organizata terroriste dhe krimeve për qëllime terroriste, parashikuar nga kreu VII i Kodit Penal?, thuhet në nenin tre të projektligjit.

Të afërmit e të korruptuarve

Nën sekuestro do të vendosen edhe pasuritë e të afërmve të zyrtarëve të lartë, për të cilat mund të ketë një dyshim apo indicie se ato janë bërë nga veprimtari kriminale. Në nenin 3, pika 2 janë të parashikuar të gjithë personat e afërt me zyrtarët e lartë mbi të cilat do të veprojë ligji anti-mafia. ?Personat e afërm (bashkëshorti, fëmijët, të paralindurit, të paslindurit, vëllezërit, motrat, bashkëjetuesi) të subjekteve të pikës 1 të këtij neni për të cilët prezumohet regjistrimi i rremë, përveçse kur provohet e kundërta; b) personave fizikë ose juridikë, për të cilët ka të dhëna të mjaftueshme se pasuritë ose veprimtaritë e tyre zotërohen, pjesërisht ose plotësisht, në mënyrë të drejtpërdrejtë ose të tërthortë, a janë përdorur, kanë lehtësuar apo në një formë kanë ndikuar në kryerjen e veprimtarive të jashtëligjshme nga personat e parashikuar në pikën 1 të këtij neni?, thuhet në projektligj.

Efektet prapavepruese

Edhe pasuritë e vëna para hyrjes në fuqi të këtij projektligji do të jenë objekt hetimesh nga organet përgjegjëse në vend. Në projektligj është parashikuar qartë se do të sekuestrohen edhe pasuritë e bëra në rrugë të paligjshme edhe para hyrjes në fuqi të projektligjit. ?Pas pikës 1 të nenit 38, shtohet pika 2 me këtë përmbajtje: ?Për pasuritë e vëna para hyrjes në fuqi të ndryshimeve dhe shtesave të parashikuara nga ky ligj dhe që kanë lidhje me veprat penale të reja që shtohen në nenin 3, pika 1 të tij, zbatohen dispozitat e pikës 4 të po atij neni?, thuhet në nenin 32. Sipas deklaratave, projektligji për ?Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë?, pritet të miratohet para qershorit të këtij viti.