web counter
LEXO PA REKLAMA!

SHKARKO APP

App Store
Google Play

Vdekja e Halilit/ Blushi: Nëse mbjell dhe shet je i lirë, po të pish një cigare je i fshirë

5 Janar 2017, 11:32, Aktualitet CNA

Deputeti Ben Blushi ka komentuar sot vdekjen e Estref Halilit, i cili u vetëvra në burgun e Rrogozhinës pasi ishte kapur me një dozë kanabis.

Përmes një postimi në rrjetet sociale, Blushi shkruan se Halili nuk është i pari që humb jetën në besë të shtetit, i cili duhet ta mbronte. Ai ka rikujtuar edhe vrasjen e Ardit Gjoklajt në Sharre apo Isufit që nuk kishte paguar faturën e energjisë.

Sipas drejtuesit të LIBRA, në vendin tonë, ata që mbjellin e shesin janë të lirë, ndërsa ata që pinë një cigare hashash janë të fshirë.

Postimi i Blushit

Ky është Estref Halili, që u vetëvra në burgun e Rrogozhinës pasi kishte përfunduar aty për një cigare hashash. Nuk është i pari që humb jetën në besë të shtetit që duhet ta mbronte. Para tij i ka ndodhur Ardit Gjoklajt në Sharrë apo Isufit që nuk kishte paguar faturën e energjisë dhe përfundoi si Estrefi. Askush nuk mban përgjegjësi për ta. Askush nuk ikën nga puna,askush nuk kërkon ndjesë, askush nuk i ngushëllon. Në Republikën tonë nuk ka asnjë investitor të fushave me kanabis në burg.Ata mbrohen nga shteti. Ndërsa djem si Estrefi kalben në burg se kanë pirë cigaret që shiten me license shtetërore. Kjo është Republika e Kanabisit. Po të mbjellësh një arë je i lirë, po të shesësh një ton je i mirë, po të blesh një gram je i grirë,po të pish një cigare je i fshirë.Ngushëllime familjes së Estrefit.Shpresoj të jetë i fundit!





Lajmet e fundit nga