Gënjeshtra e qeverisë me dekoderat digjitalë/ Deputetët i shpërndajnë në zona ku nuk punojnë

28 Dhjetor 2016, 09:02, Aktualitet CNA

Digjitalizimi është një proces që po ecën në Shqipëri për të shkuar në standartet e kërkuara nga BE, por edhe për të liruar frekuenca të tjera të nevojshme të cilat mund të përdoren më pas nga kompanitë e telefonise levizëse.

Së fundi ky proces po mbyllet në Tiranë dhe Durrës, ku shumë shpejt me një paisje të vogël (dekoder), shqiptarët do kenë mundësi të shohin më shumë kanale dhe me cilësi më të lartë televizive.

Këtë proces e shoqëron edhe shpërndarja e dekoderave për familjet në nevojë, që qeveria vendosi ti blejë vetë dhe më pas ti shpërndajë tek këto familje. Kuptohet fillimisht në zonat ku ka sinjal digjital dhe më pas në zonat e tjera, pra hap pas hapi sipas ecjes që do bëhet me mbulimin me sinjal.

Ajo që po ndodh me procesin në fakt është një gënjeshtër dhe tallje që qeveritarë dhe deputetë po bëjnë së fundi me shqiptarët.

Sinjali digjital është shtrirë vetëm në Tiranë dhe Durrës, ku ende nuk ka përfunduar plotësisht procesi, por dekodera po ndahen ku të munden dhe si të munden. Megjithëse në shumicen e terriroit të vendit nuk ka sinjal.

Anasatas Angjeli shpërndan në Gramsh, Taulant Balla në Përmet, Bashkia e Korcës e gjithë të tjerët me rradhë ku të munden e si të munden.

Dekoderat duhet ti shpërndajë pushteti vendor dhe deputetët apo politikanët e PS-së nuk kanë asnjë detyrim ligjor për të qenë pjesë e procesit të shpërndarjes, përveç faktit se duan të përfitojnë duke shfrytëziar shpërndarjen e këtyre dekoderave të blerë me taksat e demokratëve dhe socialistëve apo shqiptarëve të paparti.

Mashtrimi dhe spekullimi është se këta dekodera po shpërndahen në zona ku nuk punojnë. Pa folur për faktin se një pjesë e tyre mund të jenë të pavlefshme fare apo të shiten prej përfituesve. Ata mund të hyjnë në funksion pas disa mujsh, ndërkohë politikanët socvialistë i shpërndajnë si dhurata për vitin e ri nga qeveria. Në fakt nuk është dhuratë, por kostoja e paguar nga shqiptarët për një proces digjitalizimi.

Shqiptarët e varfër, po gënjehen nga deputetët dhe ministrat socialistë, po i gënjejnë me dekodera që i janë blerë me taksat e shqiptarëve dhe po përdoren politikisht për tu gënjyer me një dekoder që nuk ka asnjë vlerë në këtë kohë në zonat e tyre./Citynews