web counter
LEXO PA REKLAMA!

SHKARKO APP

App Store
Google Play

E fundit!

x

Ylli Manjani: Persona me të shkuar kriminale janë emëruar në poste të rëndësishme publike

28 Dhjetor 2016, 08:21, Aktualitet CNA

Ministri i Drejtësisë, Ylli Manjani, ka deklaruar publikisht se persona me të shkuar kriminale aktualisht janë emëruar në poste të rëndësishme publike. Manjani ka qenë i drejtpërdrejtë duke thënë se është pikërisht klasa politike, e cila i merr shpesh herë në mbrojtje këta persona me të shkuar të dyshimtë. Dihet tashmë që në shumë raste politika shërben si mburojë për këta persona me të shkuar kriminale dhe ministri i Drejtësisë bën thirrje se ka ardhur koha që riciklimi i tyre të ndalet një herë e mirë. Manjani thotë se përtej dokumenteve ka persona që në jetën e tyre kanë kryer një krim dhe që moralisht është e papranueshme, referuar ligjit për dekriminalizimin.

Në një status në profilin e tij në rrjetet sociale Manjani thotë se debati politik mbi çështje konkrete nuk ndihmon, por politika duhet të distancohet sot për të mos lejuar nesër hyrjen e ?kriminelëve? të rinj në funksione drejtuese. ?Dekriminalizimi” i institucioneve publike nga persona me të shkuar kriminale është tema që po mbyll këtë vit. Përtej diskutimeve procedurale mbi dokumente dhe të drejtat e njeriut një gjë mbetet: kemi ende persona, që në jetën e tyre kanë kryer një krim dhe që janë zgjedhur apo emëruar në një detyrë publike! Kjo ishte moralisht e papranueshme dhe tashmë është dhe ligjërisht e tillë! Debati politik mbi çështje konkrete nuk ndihmon! Politika duhet vetëm të distancohet sot dhe të mos lejojë nesër (vitin e ardhshëm) penetrimin e “kriminelëve” të rinj në funksione drejtuese!?, shkruan Manjani.

Gjithashtu, ministri i Drejtësisë thotë se është e pamundur që të bëhet shtet edhe politikë me funksionarë publikë, të cilët janë peng i së shkuarës. Deklarata e Ylli Manjanit në fakt mund të interpretohet si një goditje për qeverinë, pasi është pikërisht kjo e fundit që merret dhe është përgjegjëse për emërimet në administratën publike në vend.





Lajmet e fundit nga