web counter
LEXO PA REKLAMA!

SHKARKO APP

App Store
Google Play

E fundit!

x

Pse Rama ka frikë Ilir Metën?

27 Dhjetor 2016, 19:19, Aktualitet CNA

Kryemnistri Edi Rama duket se jeton në politike me panikun e humbjes në rast se nuk do ketë LSI nga pas.

Rama në mbledhjen e fundit të asamblesë socialiste tha se do shkojnë me LSI në zgjedhje megjithëse fitonte edhe i vetëm.

Mendje hapur, vizionar, gënjeshtar apo aktor filmash humoristikë? Kur fiton vetë pse të duhet një “tradhëtar”, i korruptuar, me akuza dhe probleme në mardhënie me ndërkombëtarët që cdo sekondë flirton me të gjithë kundërshtarët e mundshëm?

Kryeministri ynë mund të ketë të gjitha, por ai i di mjaft mirë llogaritë elektorale.

Së pari Rama e di mjaft mirë se mund të fitojë 70-72 mandate më PDIU duke llogaritur votat e vitit 2013, por koalicioni do ishte mjaft i brishtë. Loja e Metës me PD-në dhe Bashën në parlament mund të rrëzonte në cdo moment qeverinë e brishtë që sulmin me të lehtë mund ta kishte nga brenda socialistëve.

Së dyti dalja e Metës më vete mund të krijonte një front të dytë opozitar përballë socialistëve, por këtë herë ky front do ishte i majtë dhe me eksponentë socialistë. Meta në daljen e tij vetë në zgjedhje mund të mblidhtë parti të vogla majtas, Ben Blushin, Kokëdhimën por edhe elementë të tjerë që Rama mund ti largonte nga lista. Kreu i qeverisë e shikon se sa thjesht me disa lëvizje Agron Duka po mbledh ish-drejtues socialistë duke i futur në një koalicion me PD-në. Dalja e Metës mund të conte tek koalicioni i tij të tjerë socialistë të pakënaqur.

Së fundi kryeministri njihet për ?pasionin? e tij për pushtetin, ai më mirë pranon të thotë ?lepe, peqe? tek Ilir Meta, sesa të dalë në opozitë duke kërkuar të dobësojë Metën. Kreu socialist në dy beteja pa Ilir Metën ka humbur jo pak. Në 2009 dalja e Metës i vetëm dhe kalimi me Berishën e la në opozitë kur ishte në prag të pushtetit. Në 2011 Rama humbi bashkinë e Tiranës. 20 mijë votat e LSI në kryeqytet bënë diferencën. Në 2013 ai mund të fitonte pa Ilir Metën, por tashmë kishte provuar dy humbje të dhimbshme të cilat e cuan në aleancë me ?tradhëtarin?. Sot Meta është më i  fortë se dje dhe kjo për shkak të vetë ligjit që propozoi Rama në vitin 2008. Këtë kryeministri e di mjaft mirë dhe dalja e Metës vetë qoftë edhe duke katandisur ne 10 mandate deputetësh rrezikonte shumë pushtetin e kryeministrit që kërkon të ketë në krah bashkëfajtorin e Berishës që sot është bashkëfajtori i Ramës, që kërkon këtë status ta ruajë nesër ndoshta edhe me Lulzim Bashën.

Ramën e tremb pikërisht forcimi që Ilir Metës ja dha me ligjin të cilin e propozoi që ta shkatërronte. Dhe problemi i vërtetë i Edi Ramës sot e ka emrin Ilir Meta./Citynews





Lajmet e fundit nga