web counter
LEXO PA REKLAMA!

SHKARKO APP

App Store
Google Play

Kosovë/Një i akuzuar për terrorizëm

27 Dhjetor 2016, 18:51, Aktualitet CNA

Prokuroria e Posaçme e Kosovës ngriti aktakuzë kundër një personi për veprën penale ?organizimi dhe pjesëmarrja në grup terrorist?.

Sipas aktakuzës, i pandehuri që u identifikua si N.A., i ishte bashkuar organizatës terroriste të quajtur ?Al-Nusra? në janar të vitit 2014.

Në njoftim thuhet se i pandehuri duke shfrytëzuar rrugën ajrore përmes Aeroportit Ndërkombëtar të Prishtinës ?Adem Jashari? ka udhëtuar për në Stamboll për të vazhduar për në qytetin turk Gaziantep afër kufirit me Sirinë. Prej aty ai ka kaluar ka arritur të kaloj në territorin e Sirisë, ku është bërë pjesë e organizatës terroriste ?Al Nusra?. Pas qëndrimit një javor në Siri është kthyer në Kosove përmes rrugëve të njëjta.

Më vonë ai ka provuar sërish të shkojë në Siri duke shfrytëzuar rrugën Shkup-Stamboll, por është ndaluar në aeroportin e Stambollit nga autoritetet turke të cilat më pas e kanë dëbuar për shkak të lidhjes së tij me zonën e luftës.

Me këto veprime, thuhet në njoftim, i pandehuri ka kryer veprën penale ?organizimi dhe pjesëmarrja në grup terrorist”.

Sipas autoriteteve rreth 316 veta nga Kosova besohet se kanë marrë pjesë në konfliktet në lindjen e mesme, ndërsa atje ende ndodhen 140, nga të cilët 75 luftëtarë dhe 38 gra e 27 fëmijë.

Besohet se 117 veta janë kthyer në Kosovë dhe deri tash 35 veta janë dënuar nga gjykatat./VOA





Lajmet e fundit nga