web counter
LEXO PA REKLAMA!

SHKARKO APP

App Store
Google Play

E fundit!

x

DASH publikon planin e asistencës për Shqipërinë/ Ja si do luftohet korrupsioni

18 Dhjetor 2016, 09:14, Aktualitet CNA

Shtetet e Bashkuara të Amerikës nuk kanë aspak ndërmend të tërhiqen nga plani i tyre për të luftuar korrupsionin në Shqipëri, pavarësisht tentativave të politikës dhe drejtësisë për të bojkotuar reformën.

Departamenti Amerikan i Shtetit në faqen e tij zyrtare ka publikuar gjithë planin e asistencës në Shqipëri. Sipas asaj që thuhet aty, një rëndësi e madhe do i kushtohet reformës në drejtësi dhe luftës ndaj korrupsionit. SHBA do ofrojë asistencë teknike, teksa do monitorojë procesin e zbatimit të vetingut. ?SHBA po mbështet Shqipërinë në rrugën e saj të anëtarësimit në BE duke forcuar sektorin e drejtësisë në vend, qeverisjen lokale dhe zhvillimin e kapaciteteve të shoqërisë civile për kryerjen e funksioneve të saj monitoruese.

SHBA ndihmon gjithashtu në forcimin e kapaciteteve të agjencive të forcimit të ligjit sipas nevojave të qytetarëve shqiptarë dhe zhvillimin e Shqipërisë në një anëtare të denjë të NATO?, thuhet në dokument. Më tej theksohet se SHBA do asistojë në ngritjen e Prokurorisë Speciale dhe në kryerjen e arrestimeve në nivele të larta. Sipas dokumentit, do ketë trajnime të prokurorëve dhe do ndihmohet në ngritjen e organeve të reja të drejtësisë. ?SHBA ka mbështetur amendamentet e fundit kushtetuese në Shqipëri. Do asistojë në lidhje me veting-un e gjykatësve dhe prokurorëve, krijimin e një prokurorie të veçantë antikorrupsion dhe ndryshime të tjera. SHBA do të mbështesë Shqipërinë për implementimin e këtyre ndryshimeve, duke përfshirë monitorimin e vetingut, trajnimin e prokurorëve antikorrupsion dhe asistencë në krijimin e strukturave të tjera?, thuhet ndër të tjera.

 





Lajmet e fundit nga