web counter
LEXO PA REKLAMA!

SHKARKO APP

App Store
Google Play

Ekskluzive/ Përdhunohet një shtetase amerikane në Tiranë

17 Dhjetor 2016, 16:30, Aktualitet CNA

Një shtetase amerikane është dhunuar seksualisht nga një i ri shqiptar. Burime zyrtare nga policia bëjnë me dije për citynews se ngjarja ka ndodhur një javë më parë në kryeqytet.

Forcat e rendit nuk japin të dhëna mbi identitetin e shtetases amerikane, pasi ngjarja është në hetim dhe po kryhen procedurat e fundit.

Citynews ka siguruar nga burime zyrtare detaje se shtetasja amerikane ka kryer një denoncim pranë Policisë së Shtetit, me pretendimin se ajo është përdhunuar nga një kamarier 20-vjeçar, i cili punon në një nga lokalet e natës në Tiranë.

Burimet theksuan se në denoncimin e saj, shtetasja amerikane shprehet se ajo ka qenë duke pirë në një nga lokalet e natës në kryeqytet. Më pas ajo ka marrë një taksi për tu larguar në shtëpi. Në deponimin e siguruar nga citynews, shtetasja amerikane thekson se është ndjekur nga kamarieri i lokalit. Ajo ka shkuar në shtëpi dhe pas disa çastesh në derë ka trokitur 20-vjeçari, i cili është future në banesën e saj.

Në deponimin e amerikanes, thuhet se 20-vjeçari e ka përdhunuar egër, duke kryer akte të dhunshme seksuale. Pretendimit të oficerëve të policisë mbi vonesën e denoncimit, ajo i është përgjigjur se ishte dhunuar dhe e kishte të pamundur për të shkuar në polici.

Të njëjtat burime i theksuan citynews se në deponimin e saj, shtetasja amerikane ka nënvizuar faktin se 20-vjeçari ka kryer seks anal. Ajo e ka kontestuar këtë veprim, por kamarieri ka vazhduar dhe ka bërë që ti shkaktojë dhimbje të forta shtetases amerikane, e cila banon në kryeqytet.

Pas deponimit të kryer nga vajza amerikane, mësohet se policia ka arrestuar sot 20-vjeçarin shqiptar, i cili është duke u marrë në pyetje në lidhje me pretendimet e shtetases amerikane./citynews





Lajmet e fundit nga