web counter
LEXO PA REKLAMA!

SHKARKO APP

App Store
Google Play

E fundit!

x

Përfundon farsa e zgjedhjeve në Vlorë/ Bojkot e abstenim, ky është reagimi i demokratëve

17 Dhjetor 2016, 18:53, Aktualitet CNA

Janë zhvilluar sot zgjedhjet për kryetarin e degës së Partisë Demokratike në Vlorë. Citynews ka mësuar se nga 370 delegatë demokratë në Kuvend, në votim kanë marrë pjesë 260 prej tyre.

Pra, rreth 30% të delegatëve demokratë në Kuvendin e PD në Vlorë kanë bojkotuar procesin për zgjedhjen e kryetarit. Gjatë numërimit rezultuan 30 vota abstenim, duke lënë për numërim vetëm 230 vota të vlefshme.

Fituesi i kësaj gare problematike është Gramoz Nazëraj, i cili mori 150 vota, ose rreth 35% të votave të të deleguarve në Kuvendin e Partisë Demokratike në Vlorë.

Kryetari i zgjedhur, Gramoz Nazëraj, kishte si rival në garë Kreshnik Bellon, i cili është pedagog tek Univestiteti i Henri Çilit.

Nazëraj është kryetari me më pak vota i zgjedhur në historinë e Partisë Demokratike në Vlorë.

Ashtu siç citynews ka paralajmëruar, procesi ka kaluar ne shume përplasje, me shkarkime kryetarësh grupseksionesh, zgjedhje e të deleguarit të Lulzim Bashës, Flamur Noka.

Ne fund, kryetar ka dalë Gramoz Nazëraj, i cili tashmë do te jetë drejtues i degës se Vlorës duke pasur vetë 35% të delegatëve pranë vetes. Partia Demokratike në Vlorë del nga kjo garë edhe më e vogël. Votat flasin për përgjysminim e saj./citynews





Lajmet e fundit nga