web counter
LEXO PA REKLAMA!

SHKARKO APP

App Store
Google Play

A foli Vangjush Dako nga biznesi i Lul Berishës?

16 Dhjetor 2016, 10:31, Aktualitet CNA

Një investigim i Zërit të Amerikës dhe BIRN zbuloi se kryebashkiaku i Durrësit ka ndikuar në vendimin e gjykatësve për lirimin e Lulzim Berishës, duke i siguruar këtij të fundit punë në Bashki.

Në daljen e tij për mediat, Dako sqaroi se bëhet fjalë për një procedurë rutinë, ndërkohë që Berisha do të punojë si vullnetar në një nga ndërmarrjet e shërbimit.

Dako tha më tej se, Lulzim Berishën e njeh personalisht si sportist, biznesmen dhe qytetar të Durrësit, ndërsa kërkesën e Bashës për shkarkimin e tij e konsideron një përpjekje për të larguar vëmendjen nga problemet e gjykatës dhe zbatimin e ligjit të vetting-ut.

Ajo që bëri përshtypje në daljen për mediat ishte vendi që zgjodhi kryebashkiaku i Durrësit, qendra ?Blue Star?.

Në fakt, në qytetin e Durrësit qendra :Blu Star? shumë vite më parë përflitej nga durrsakët se ishte baza e Lul Berishës.

Sot, kryebashkiaku Vangjush Dako, qendrimin dhe mbrotjen ndaj akuzave se kishte ndikuar në vendimin për lirimin e Lul Berishës, e bëri pikërisht nga Blue Star.

A thua se ishte vetë Lul Berisha që e mori Vangjush Dakon dhe e dërgoi në qendrën e përfolur të tij të biznesit që të mbante qëndrim në lidhje me deklaratat e PD dhe akuzat se ishte Dako personi që ndikoi në lirimin e Lul Berishës?!

Këshilltarët dhe deputetët e Partisë Demokratike firmosën dje një kërkesë për shkarkimin e menjëhershme të Vangjush Dakos nga posti i kryebashkiakut. Kryetari i PD, Lulzim Basha në depozitoi në prokurori një padi ndaj Vangjush Dakos për Konspiracion kriminal.

Por, fakti është se Dako dje foli nga qendra “Blue Star”. Tashethem apo e vërtetë, po të pyesësh durrsakët, shumë prej tyre kanë thënë më parë se ajo  qendër ka qenë “bazë” e Lul Berishës./Citynews





Lajmet e fundit nga