web counter
LEXO PA REKLAMA!

SHKARKO APP

App Store
Google Play

Policia jep detaje për kapjen e 700 kg drogë në Sarandë

16 Dhjetor 2016, 07:49, Aktualitet CNA

Policia ka dhënë mëngjesin e sotëm detaje në lidhje me operacionin e djeshëm në Sarandë ku fillimisht u raportua se u kap rreth 1 ton drogë.

Burime zyrtare nga policia sqaruan se sasia është 700 kg dhe është arrestuar një person dhe shpallur në kërkim një tjetër.

Policia ka arrestuar në flagrancë 1 shtetas dhe ka shpallur në kërkim 1 tjetër për veprën penale “Prodhimi dhe shitja e lëndëve narkotike”.

Ata janë Gentian Muhollari, 20 vjeç, banues në fshatin Metoq, Sarandë. Shpallet në kërkim shtetasi, L.O., 27 vjeç, banues në Sarandë dhe procedohen në gjendje të lirë, 7 shtetase për veprën penale “Moskallëzim krimi”.

Në bazë të informacioneve të marra në rrugë operative, Policia e Sarandës ka bërë të mundur kapjen dhe arrestimin e shtetasit Gentian Muhollari, i cili dyshohet se në bashkëpunim me shtetasin L.O, merreshin me përpunimin, përgatitjen dhe tharjen e një sasie me lëndë narkotike të dyshuar si Cannabis Sattiva.

Policia ka bërë kapjen në flagrancë të Gentian Muhollarit i cili tentoi të largohej me vrap, në fshatin Metoq të Sarandës, pranë një tuneli të braktisur (pa pronarë), në të cilin përpunohej dhe mbahej e fshehur lënda narkotike, e dyshuar si Cannabis Sattiva.

Gjatë kontrollit të vendit të ngjarjes, u gjet dhe u sekuestrua në cilësinë e provës materiale:

–  41 kg e 850 gramë, lëndë narkotike e dyshuar si Cannabis Sattiva, në formë boçesh

–  423 kg degë bime me gjethe dhe boçe, e dyshuar si Cannabis Sattiva

–  192 kg e 95 gramë, degë dhe gjethe në formë byku.

 





21:17 Aktualitet

Basha gënjen Live

Kryetari i Partisë Demokratike, Lulzim Basha, është sot i ft...

Lajmet e fundit nga