web counter
LEXO PA REKLAMA!

SHKARKO APP

App Store
Google Play

E fundit!

x

Socialistët e Shkodrës rebelohen kundër Bushatit

15 Dhjetor 2016, 08:50, Aktualitet CNA

Dega e Partisë Socialiste në Shkodër vijon me pakënaqësitë e saj ndaj qendrës. Dje koordinatori për këtë zonë Ditmir Bushati dhe deputetë të zonës kanë zhvilluar një sërë takimesh me strukturat, ku nuk kanë muguar debatet dhe përplasjet mes tyre.

Fillimisht Bushati është takuar me drejtorët e PS, strukturat drejtuese, të rinjtë e FRESSH dhe në fund me gratë socialiste në prag edhe të zgjedhjeve që kanë. Por takimi me gratë socialiste është shoqëruar me shumë debate dhe tension. Të pranishmet në takim kanë shpërthyer në akuza ndaj Bushatit sepse po tentohet manipulimi i zgjedhjeve për forumin e gruas. Zgjedhjet do të mbahet më 17 dhjetor dhe sipas anëtarëve 3 kandidaturat e nxjerra nga baza janë refuzuar. Aktualisht nuk ka asnjë kandidaturë. Mirëpo gratë socialistë kanë akuzuar ministrin se po tenton të vendosë njerëzit e tij.

Sipas burimeve, socialistë dyshojnë se kandidaturat do vijnë në momentin e fundit nga qendra dhe për ta kjo është e papranueshme. Një situatë e tillë ndodhi në qarkun e Shkodrës dhe në zgjedhjet për krerët e degëve, ku në Vaun e Dejës dhe zona të tjera u refuzuan kandidatët e propozuar nga qendra. Por një tjetër debat ka pasur dhe për punësimet. Dega e Shkodrës është ajo e cila ka shfaqur gjithmonë ankesa në këtë aspekt. Socialistët e kanë akuzuar ministrin se shumë prej tyre kanë mbetur pa punë. Ndërkohë nga na tjetër në takimin që mbajti me drejtorët, Bushati ka kërkuar që të nisë hapja e vendeve të punës me afrimin e fushatës.

Ai ka paralajmëruar të gjithë të punësuarit se nëse nuk kontribuojnë për zgjedhjet e ardhshme do shkarkohen. Synimi i Ramës në zgjedhjet e ardhshme është që të fitojë numër më të lartë deputetësh se PD në Shkodër dhe ka dhënë urdhër që të kenë një angazhim maksimal. Ndërkohë përfaqësuesit e PS vijojnë të ankohen për punësimet se nuk janë futur të gjithë në punë.





08:20 Aktualitet

Fotot/Ski me bikini

Resorti i skive Sheregesh në Siberi, është i njohur për peis...

Lajmet e fundit nga