web counter
LEXO PA REKLAMA!

SHKARKO APP

App Store
Google Play

E fundit!

x

Erion Braçe/ Ja pse u rrit çmimi i gazit

14 Dhjetor 2016, 22:20, Aktualitet CNA

Kreu i komisionit të Ekonomisë, Erion Braçe i ftuar në studion e Ora News, sqaroi se pse është rritur çmimi i gazit.

Sipas tij, me rritjen e çmimit të gazit, qeveria ka zbatuar një direktivë të Bashkimit Evropian. Ai tha se për konsumin familjar gazi do të jetë pa akcizë dhe nuk ka arsye që të rritet. Arsyeja e dytë që Braçe shpjegoi për rritjen e çmimit të gazit ishte për të rritur parametrat e sigurisë.

“Duhet të bëjmë një ndarje këtu. Duhet të bëjmë një diferencim që të jetë i qartë sepse ka pasur një kakofoni. Qeveria mori përsipër që të rrisë akcizën e gazit të lëngshëm për mjetet motorike. Natyrisht, ka zbatuar një direktivë të Bashkimit Evropian. Kanë akcizë për gazin dhe e kanë shumë më të lartë se sa akciza që qeveria çoi në Kuvend. Gazi është një ndotës. Ne ishim vendi i fundit që nuk kishim vendosur akcizë. Për të gjithë konsumatorët që përdorin gazin e lëngshëm do të kenë akcizë zero. Dua të sqaroj një herë e mirë se për konsumin familjar gazi do të jetë pa akcizë dhe nuk ka arsye që të rritet.

Arsyeja e dytë që u vendos akciza e gazit për mjetet motorike është për të rritur parametrat e sigurisë. Në zona të largëta, bombolat e gazit mbushen në pika ku furnizohen makinat. Është jashtë çdo standardi. Duhet e bërë më të shtrenjtë gazin në këtë pika do të detyrojmë qytetarët të shkojnë në pikat e posaçme. Për familje të varfra që përdorin gazin për t?u ngrohur dhe për të gatuar, natyrisht që detyrohen të shkojnë në pikat e caktuara.”, tha Braçe





Lajmet e fundit nga