Historia e shkurter e nje tragjedie/ Nga Klodian TOMORRI

15 Dhjetor 2016, 08:37, Aktualitet CNA

Ne vitin 2013, kur u provua se regjimi sirian po perdorte arme kimike kunder popullsise civile, David Cameron i kerkoi Parlamentit Britanik autorizimin per te nderhyre ushtarakisht.

Votimi ishte dramatik. Nderhyrja kundershtohej fuqishem nga Laburistet e majte, por edhe disa deputete rebele nga radhet e konservatoreve.

Si perfundim kerkesa u rrezua per 13 vota. Ai votim perben humbjen e pare politike te David Cameron, i cili ishte shpresa e fundit per te evituar masakrimin e qindra mije te pafajshmeve. Por mbi te gjitha ai votim perben fillimin e renies se atij qe gjeresisht njihet si Koalicioni Perendimor.

Qe ne fillim vlen te theksohet se Koalicioni Perendimor nuk eshte nje koncept gjeografik. Ai eshte nje aleance parimesh i demokracive te pavaruara, te cilat ndajne te njejtat vlera, mbi te gjitha garantimin e te drejtave dhe lirive themelore te njeriut, pa te cilat bota jone do ishte nje arene barbaresh.

Zanafillia e lindjes se Koalicionit Perendimor eshte Lufta e Dyte Boterore dhe themeluesit e tij jane pikerisht britaniket dhe Shtetet e Bashkuara te Amerikes.

Ne gusht te vitit 1941 Winston Churchill dhe Franklin Delano Roosvelt u takuan ne nje luftanije te ankoruar ne brigjet e Newfoundlandit, ku firmosen Karten e Atlantikut. Ajo marreveshje me vone evoloi ne ate qe ne sot e njohim si NATO, aleanca ushtarake e kombeve te lira demokratike.

Shmangia e asaj qe po ndodhte ne Siri ishte pikerisht ajo per te cilen NATO u krijua. Por Barack Obama u terhoq nga loja dhe topi i mbeti David Cameron.

Rrezimi i kerkeses ne Parlamentin Britanik krijoi nje vakum tragjik, i cili i hapi rrugen nje aleance tjeter, asaj te aksit Moske-Pekin-Teheran. Rezultati eshte nje masaker e paprecedente mbi popullsine civile me vrasje masive te grave dhe femijeve.

Kjo eshte ajo qe ka ndodhur ne Alepo. Nje masaker e cila per nje kohe te gjate do te qendroje si damke turpi mbi kombet e lira te botes demokratike. Cdo histori tjeter pastaj se perendimi nuk nderhyri sepse nuk kishte interesa apo se beri pakt me terroristet eshte thjesht banale dhe e neveritshme. Eshte histori Putiniane.

David Cameron dhe Britania nuk kishin asnje interes per te nderhyre ne Siri. Thjesht u thirren per te mbrojtur vlerat e nje aleance qe e kishin themeluar vete dhe qe i ka garantuar botes paqe dhe shumices se njerezimit lirite themelore. Per fatin e keq te te gjitheve deshtuan. Dhe kur e mira deshton, ajo qe fiton eshte e keqja.

Sic do te thoshte dhe George Osborne nje dite me pare ne Parlamentin britanik: Boten ose e qeveris ti, ose te qeverise ajo.