web counter
LEXO PA REKLAMA!

SHKARKO APP

App Store
Google Play

FOTO/ 43-vjeçari, kapet me 28 kg drogë në Kakavijë

1 Dhjetor 2016, 12:43, Aktualitet CNA

Policia kufitare e Kakavijës ka goditur një tjetër rast të trafikimit të drogës. Një 43-vjeçar ka rënë në pranga të policisë pasi është kapur me 28 kilogram e ndarë në 28 pako, lëndë narkotike kanabis sativa.
Punonjësit e Policisë Kufitare në vijën e dytë thanë se në dalje të Republikës së Shqipërisë është paraqitur shtetasi Dashnor Hamza, me mjetin tip ?Lancia Phedra?, me targa AA 458 MA.
Pas regjistrimit në sistemin TIMS nga punonjësit e Policisë Kufitare, mjeti ka kaluar në vijën e dytë për një kontroll më të imtësishëm, ku në një vend të sajuar në shasinë e automjetit kishte disa pako me lëndë të dyshuar narkotike si ajo e llojit kanabis sativa.

Forcat policore menjëherë kanë bërë bllokimin mjetit, duke njoftuar grupin hetimor si dhe Specialistët Kundër Lëndëve Narkotike në Drejtorinë Vendore të Policisë Gjirokastër. Sasia e lëndës narkotike u sekuestrua në cilësinë e provës materiale. Gjithashtu u bë arrestimi në flagrancë i drejtuesit të mjetit, 43 vjeçarit banues në fshatin Xhafaj, Tepelenë.

Materialet proçeduriale do t?i referohen Prokurorisë së Krimeve të Rënda Tiranë për veprën penale ?Trafikimi i narkotikëve”./ Citynews





Lajmet e fundit nga