web counter
LEXO PA REKLAMA!

SHKARKO APP

App Store
Google Play

Buxheti 2017/ Rama: 100 milionë dollarë për rritjen e pagave dhe pensioneve

1 Dhjetor 2016, 10:43, Aktualitet CNA

Nis seanca plenare e ditës së sotme, në të cilën do të diskutohet projektbuxheti për 2017-ën. Fjalën i pari e ka marrë Kryeministri i vendit, Edi Rama.

Ai tha se ky buxhet është rezultat i përpjekjeve dhe reformave të mëdha të kësaj qeverie.

?Projektbuxheti që do të votojmë sot në parim finalizon një përpjekje të vazhdueshme të këtij mandati qeverisës për të futur shtetin në shinat nga kishte dalë që kur ne morëm detyrën. Për të rritur fuqinë blerëse, financuar bindshëm reforma të mëdha të viteve të fundit që kanë çelur rrugën e një ndryshimi rrënjësor. Buxheti është arritje shumë e rëndësishme. Një nga treguesit më kuptimplotë është spostimi i 100 milion dollarëve nga arka dhe buxheti i shtetit në buxhetin e familjeve shqiptare. Në 8 vitet e qeverisë së shkuar u spostuan nga arka e shtetit në arkat e familjeve 124 dollarë gjithsej. Vetëm me këtë buxhet ne spostojmë 100 milionë dollarë.

Kjo qeveri dhe mazhoranca kanë vendosur të heqin mbi gjysmë milionë dollarë nga duart e shtetit për t’i kaluar tek qytetarët. Kjo shifër nuk përfshin rritjen e rrogave të policisë së shtetit, që në buxhetin e parë, që ishte, 40 milionë në 4 vjet. Bashkë me këtë buxhet, shifra e përgjithshme shkon në 580 milion dollarë.

Kemi shlyer edhe borxhet e fshehura që i gjetëm mbi tavolinë. Sikur të mos mjaftonte ai mal borxhi dhe mali tjetër i borxhit prej 1.1 milion dollar të akumuluar nga OSHEE, u përballëm me një krizë financimi të kantierëve të hapura të rrugëve. Shqiptarëve ju thuhej se ishin ndërtuar 10 mijë km rrugë, por tani në opozitë thanë se janë ndërtuar 11 mijë km. E vërteta është se qeveria e vjetër tenderoi nga 2005 në 2013 1740 km rrugë, përjashto rrugën e tenderit që u bë pa tender?, u shpreh Kryeministri Rama në seancën e sotme plenare./ Citynews





Lajmet e fundit nga