web counter
LEXO PA REKLAMA!

SHKARKO APP

App Store
Google Play

Skandal/ LSI rikthen në detyrë drejtorin e akuzuar

22 Nëntor 2016, 13:45, Aktualitet CNA

Vijojnë skandalet në prag të zgjedhjeve të 2017-ës. I radhës është ai i drejtorit rajonal të Transportit në Korçë, i cili është emëruar, shkarkuar e më pas vënë sërish në po të njëjtin post nga LSI.

Drejtori i Transportit Rajonal i transportit në Korçë Guri Meko, i emëruar nga LSI në krye të këtij posti në vitin 2013, u shkarkua një vit më parë në vitin 2015. Atëherë u përfol se shkarkimi u bë, pasi shumë punonjës ishin larguar dhe ishte krijuar një frymë akuzash të forta për korrupsion për të. Thuhej që drejtori kërkonte para nga vartësit e tij për t?ja kaluar ato më pas atyre që kishte mbi kokë. Këto janë zullume të pushtetit që po çojnë në skandale. Dhe më pas për të mbuluar gjithçka u largua nga detyra duke u emëruar një tjetër drejtor i LSI-së në vend të tij. Por kjo nuk e pengoi që të rikthehej pas një viti në po të njëjtin post, nga i cili u shkarkua dy vite më parë.

Tani në prag të zgjedhjeve të 2017, duke qenë se është pronari i disa televizioneve kabllore në fshatrat e Korçës, me ndërhyrjen e Klajda Gjoshës dhe deputetit Pirro Kpurani, rikthehet në detyrë për ti shërbyer LSI-së në zgjedhjet e ardhshme vendore në vitin 2017. Do vazhdojë të mbledhë lekët e punonjësve?! Kjo mbetet për tu provuar. Por ajo që dihet tashmë, është se Meko është rikthyer për të ndihmuar LSI-në në zgjedhjet e 2017-ës, nga i njëjti post që u shkarkua një vit më parë .

Largimi dhe kthimi në të njëjtën detyrë i Guri Mekos, është një rast flagrant që nuk ka ndodhur më parë në historinë e Administratës.

Ndërkohë që, i pyetur nga Citynews, Meko ka theksuar fort se nuk e kanë shkarkuar nga detyra e Drejtorit Rajonal të Transportit në Korçë, por se është larguar për arsye familjare. Meko shprehet se, e gjithë kjo situatë nuk është ashtu siç mund të duket nga jashtë, duke shtuar se pas zgjidhjes së problemeve të tij familjare është rikthyer sërish në postin, nga i cili më parë ishte larguar./ Citynews





Lajmet e fundit nga