web counter
LEXO PA REKLAMA!

SHKARKO APP

App Store
Google Play

Rrëshqitjet e dherave në Kombinat/ Tahiri: Shteti është në këmbë për t’ju ndihmuar

22 Nëntor 2016, 11:33, Aktualitet CNA

Ministri i Punëve të Brendshme Saimir Tahiri inspektoi nga afër ndërhyrjen e strukturave të Emergjencave Civile në zonën e Kombinatit në Tiranë si pasojë e rrëshqitjes së dheut dhe vënies në rrezik të disa banesave.

?Falenderoj të gjithë njerëzit që janë marrë me përballimin e kësaj situate të veçantë këtu në Kombinat. Dhe t?i garantoj mbi të gjitha banorët që jemi këtu, nuk janë vetëm, dhe do marrim masa për të dhënë zgjidhje sa më shpejt. Pa toleruar asnjë neglizhencë që mund të sillte dhe pasoja?, u shpreh Tahiri.

Ai shtoi se do punohet për rehabilitimin e zonës, ndërsa u premtoi banorëve se koha kur ishin vetëm përballë fatkeqësive natyrore ka marrë fund.

?Kjo është një situatë emergjente. Dhe si e tillë nënkupton marrjen e masave për të shmangur rrezikun e menjëhershëm. Më pas, paralelisht me këtë vjen faza e rehabilitimit.  Na duhet të rehabilitojmë zonën në mënyrë që rreziku i menjëhershëm të shmanget nga shtëpitë e banorëve dhe më pas duhet parë konkretisht çfarë lloj investimi duhet për të mos lejuar përsëritjen në të ardhmen dhe këtë mund ta thonë ekspertët.

E rëndësishme është që banorët nuk janë vetëm. E gjithë stuktura shtetërore është këtu. Të gjithë punonjësit janë të angazhuar. Shteti është në këmbë për t?i ndihmuar dhe për të mos lejuar që të përballen vetë me këtë situata.

Kohët e së kaluarës kur gjithësecili përballej vetë me hallet e veta, e jo vetëm me hallet e veta po dhe me hallet që i sillte natyra, kjo kohë ka përfunduar. Sot ne jemi në krah të qytetarëve, për t?i ndihmuar dhe për të shmangur qe të ndodhin pasoja në shëndetin, jetën apo pasurinë e tyre?, shtoi ministri i Brendshëm Saimir Tahiri. /Citynews

 

 





Lajmet e fundit nga