web counter
LEXO PA REKLAMA!

SHKARKO APP

App Store
Google Play

Marrëdhëniet me Greqinë/ Rama: Nuk heshtim më

19 Nëntor 2016, 17:19, Aktualitet CNA

Kryeministri Edi Rama, duke folur në Samitin e Diasporës, tha se marrëdhëniet mes Shqipërisë dhe Greqisë duhet të zgjidhen. Ai u shpreh se të dyja vendet do të krijojnë një grup të posaçëm për të zgjidhur çështjet e trashëguara nga e kaluara, çështje të njohura botërisht sipas tij, për të cilat shqiptarët nuk mund të heshtin më.

?Marrëdhëniet me Greqinë kanë nevojë të ngrihen në një nivel tjetër që të kapërcejmë disa probleme që na shfaqen si pengesa të mbetura nga e shkuara. Kemi ngritur një grup të posaçëm që bashkë me palën greke të ulemi në tryezë, të diskutojmë hapur duke parë nga e ardhmja, duke u bazuar tek standardet evropiane per këto çështje. Ka filluar një punë e përbashkët aspak e lehtë, por jemi shpresëplotë që do t?i kapërcejmë këto pengesa në të mirë të fqinjësisë. Ne kemi bërë të qartë që nuk kemi ndërmend të heshtim, të bëjmë sikur nuk kuptojmë dhe t?i nënshtrohemi fakteve të kryera. Për një kohë të gjatë fqinjët u mësuan pak keq, këtu në Tiranë të kishin bashkëbisedues të nënshtruar, të heshtur që bënin sikur nuk kuptonin kur fjala ka qenë për çështje që nuk mund të anashkalohen. Cështjet janë botërisht të njohura, mendojmë që për secilën prej tyre ka zgjidhje në një frymë bashkëpunimi. E kemi vënë re që çështjet rimarrin një peshë të caktuar dhe bëhen pengesë për arsye që janë të lidhura me situatat politike, debatin e brendshëm. Ua bëjmë të qartë fqinjëve se çështjet nuk i kapërcejmë duke i lënë të pazgjidhura. Jemi vullnet plotë për zgjidhjen më të mirë në bazë të parimit të reciprocitetit?,- tha ai.

Në takimin e sotëm në Samitin e Diasporës, Rama foli edhe për mbështetjen e nismave për programet në gjuhën shqipe në vendet ku jetojnë shqiptarë dhe për të drejtën e votës së emigrantëve.





Lajmet e fundit nga