Koço Kokedhima nis lëvizjen brenda PS/ Socialistët e Ramës refuzojnë pjesëmarrjen

19 Nëntor 2016, 16:48, Aktualitet CNA

Ashtu siç edhe e kishte premtuar ish – deputeti fuqiplote i ashtuquajtur nga media, opozita, por dhe nga deputet te Partise Socialiste si Pashai i Jugut, Koço Kokedhima nisi sot nga qyteti bregdetar i Sarandes, atje ku edhe mendohet se ka dhe mbeshtetjen me te madhe rrugetimin e tij te ri politik, Levizjen per Reformim te Partise Socialiste.

Salla e kinoteatrit te Sarandes ishte e mbushur me socialist te thjesht, por dhe me drejtues te larte lokale, sic duket dhe nga fotot, drejtora drejtorie ne Bashkine Sarande por dhe drejtora te drejtorive lokale qe e kane varesine nga pushteti qendror, ashtu sic kishte edhe qytetar te paangazhuar apo kurioz. Drejtues dhe punonjes te Bashkise Sarande jane pare te shoqerojne Kokedhimen ne te gjitha levizjet e tij, kjo kuptohet ne dijeni te Kryetares se Bashkise Sarande Floriana Koka, ku edhe kjo e fundit e gezon ate post ne saj te vendimarrjeve te deridjeshme te ish – deputetit fuqiplote Kokedhima.

Koço Kokedhima i cili deri perpara nje viti vendoste per gjithcka dhe per kedo ne Jugun e vendit, tashme i duhet te sqaroj pozicionin e tij te ri ne politike, i zhveshur nga çdo pozicion legjislativ, politik, pozicione te cilat e kishin bere te gjithpushtetshem dhe ku beri te mundur nepermjet ketij pushteti fitoren e kandidateve te majte ne Jug, sidomos ne Sarande, ku edhe u shfaq ne fushaten e fundit bashkiake si kandidati defakto dhe real.

Dega e Partise Socialiste Sarande edhe pse drejtohet nga nje zonjushe e emeruar atje nga Koço Kokedhima u distancua nga Takimi dhe beri thirrje te hapur per mospjesemarrje duke i treguar keshtu indirekt edhe vendimin e Edi Rames ndaj levizjes se re te ish – mentorit te tij. Arsyet e distancimit i ka bërë të qarta kryetarja e Degës së PS Sarandë Jonida Abduli përmes një deklarate të publikuar në faqen zyrtare të partisë në rrjetin social Facebook.

?Me lejoni që në kuadër të transparencës dhe informimit të gjithë anëtarësisë dhe opinionit publik të sqaroj se strukturat drejtuese të Partisë Socialiste dega Sarandë nuk janë bërë dhe nuk do të bëhen për asnjë moment pjesë e asnjë takimi apo lëvizjeje që shkon në të kundërtën e angazhimeve dhe prioriteteve të përcaktuara nga Kryesia qendrore e Partisë Socialiste të Shqipërisë?, shkruan Abduli.

Sipas saj, anëtarësia dhe strukturat e të gjitha niveleve në Partinë Socialiste Dega Sarandë janë të angazhuara plotësisht për fuqizimin e kësaj force politike dhe bashkimin e të gjithë aktorëve e faktorëve me synimin e vetëm garantimin e një rezultati sa më pozitiv në zgjedhjet e ardhshme parlamentare të vitit 2017.

?Shpreh bindjen e plotë se çdo përpjekje tjetër për të shfokusuar vëmendjen e anëtarësisë është e pavend dhe do të dëmtonte interesat e Partisë Socialiste. Jam e sigurtë se anëtarësia e Partisë Socialiste Dega Sarandë do të jetë e bashkuar për të korrur një fitore spektakolare në zgjedhjet e ardhshme parlamentare!?, përfundon kryetaria Abduli ne deklaraten e saj.