FOTO - Avokati përgënjeshtron Ramën/ Ideja e Samitit jo e Lindës, por e Soros

19 Nëntor 2016, 14:14, Aktualitet CNA

Sot në Tirane u hap Samiti i Diasporës, qe mblodhi ne gjirin e tij mbi 800 personalitete nga vendi e bota.

Kryeministri Edi Rama tregoi për herë të parë se mbajtja e këtij Samiti të Diasporës në Tiranë, ishte një ide e bashkëshortes së tij, Linda Rama. Rama tha se mori propozimin nga bashkëshortja, pas takimeve të shumta të zhvilluar në New York në 2015-ën, me shqiptarë të diasporës.

“Në shtatorin e 2015-ës gjendesha në New York, në OKB, krenohej me bujë 70 vjetori i asaj organizate. Gjendej po aty edhe mishërimin e diasporës italiane, Papa Françeskun. Takova plot shqiptarë, falë rrjeteve të tyre të organizuar, apo me shqiptarë të panjohur në rrugët e Nju Jorkut, apo edhe në sofrën e shqiptarëve në Nju Jork, bashkë me presidentin e Kosovës, Hashim Thaçi. Kishim kohë që përpiqeshim të gjenim rrugë të reja për përfshirjen e diasporës. Kjo e shtyu Lindën, të hidhte idenë fillestare të këtij Samiti. Nuk është sekret që unë jam njeri kokëfortë, por duke parë suksesin e fillesës së kësaj nisme nuk dua që të jetë më e fshehtë e vërteta se idetë e gruas më pëlqejnë më shumë nganjëherë se ato të miat. Prandaj do më falni që si burrë atipik ta felenderoj Lindën që nuk ishte dot këtu sepse duhet të kujdeset për Shqipërinë e Gjeneratës tjetër që kemi në shtëpi”, deklaroi kryeministri.

Por avokati dhe aktivisti i Shoqërisë Civile Altin Goxhaj mendon ndryshe.

Sipas tij, ky samit është planifikuar që në Janar 2015 dhe ideatori është George Soros.

Ja çfarë shkruan Goxhaj:

GENJESHTRA E RAMES PER IDENE E LINDES!!!

Ja si genjeu Rama sikur ishte Linda ne Shtator 2015 qe ia shtiu ne mend kete Takimin e Diaspores! Ky ishte planifikuar 1 vit e gjysem me pare ne 29 Janar 2015 nga Fondacioni i George Soros dhe CID i themeluar nga Elanye Papulias me mbeshtetjen e Sokrates Kokkalis, i drejtuar nga Ricardo Hausman dhe i paguar nga xhepi i gjysh Sorosit.

Ju e dini si u njoh Linda Rama (ish Kryetare e Soros) me Edi Ramen (themelues i Soros)? Kush i beri te afert? George Soros personalisht ne 1997 ne nje dreke pune me te tre ne Budapest (ma ka rrefy vete Linda kete pjese kur ishim bashke ne New York ne Maj 2002). /Citynews