web counter
LEXO PA REKLAMA!

SHKARKO APP

App Store
Google Play

Samiti i Diasportës/ Veliaj: Tirana, vendi ideal për të investuar në fushën e pronave të paluajtshme

19 Nëntor 2016, 12:12, Aktualitet CNA

Punimet e ditës se dytë të Samitit të Diasporës u përqendruan në mundësitë konkrete që u ofrohen emigrantëve për më shumë lidhje me Shqipërinë. Në një nga panelet, Mark Gjonaj, anëtar i asamblesë së demokratëve në New York, apeloi për më shumë bashkëpunim ndërmjet shoqatave të shqiptarëve jashtë vendit dhe për këtë mund të ketë kontribut edhe shteti shqiptar.

?Nisëm një projekt ku njerëz që punojnë në fusha të ndryshme na lidhen me 20 ofrues shërbimesh publike. Arritëm një marrëveshje ku konkretisht, për çdo blerje kolektive që bënim, një përqindje e blerjes do të duhet të kthehet në një fond për investime ndaj komunitetit: bursa për të rinjtë, për poltika më të mira ndaj emigrantëve, të moshuarve etj?, u shpreh ai.

Në një tjetër panel, kreu i Bashkisë së Tiranës, Erjon Veliaj hodhi 3 ide konkrete sesi mund të afrohen më shumë emigrantët me kryeqytetin e Shqipërisë.

?Tirana është vendi ideal për të investuar në fushën e pronave të paluajtshme. Ne si Bashki e Tiranës po aplikojmë që të hapim një zonë ekonomike në zonën e Kasharit, aty ku po ndërtojmë edhe impiantin e ri të përpunimit të ujërave të Tiranës. Kemi identifikuar një zonë rreth 60 hektarë. Nëse keni dëshirën, zemrën dhe paratë për të investuar në projekte sociale, ne kemi patur një projekt fantastik të adoptimit të kopshteve dhe çerdheve. Nëse keni mundësi t?i vizitoni, janë ndoshta më të mirët në rajon dhe me zero lekë nga buxheti i shtetit, falë shumë prej kompanive shqiptare që kanë vendosur që një pjesë të të fitimit të tyre ta kthejnë mbrapsht në komunitet duke adoptuar një kopsht, çerdhe apo kënd lodrash?, deklaroi kryebashkiaku i Tiranës. /Citynews





Lajmet e fundit nga