Miti rilindas dhe realiteti i Shqipërisë në NATO

18 Nëntor 2016, 18:07, Aktualitet CNA

Nga GJERGJ THANASI

Në kuadrin e përgjithshëm të propagandës së rilindasve Shqipëria vend anëtar i NATO-s zë një vend të rëndësishëm. Me këtë mit kërkohet të spekulohet me patriotizmin e ligjshëm të shqiptarëve si edhe të ofrohet një bilanc suksesesh në fushën e sigurisë, bilanc, që është ose inekzistent, ose i tejfryrë.

Shqipëria, që nuk arrin 2% e buxhetit shpenzim për mbrojtjen sic e kërkon standarti i NATO-s ( standart i shkelur nga plot vende të tjera anëtare), mburret sikur po jep një kontribut të jashtëzakonshëm në mbrojtjen e përbashkët të Aleancës. Arrihet deri aty saqë si tangërdhëku në vaktit i Duces me tanketat L3 dhe L6 krahasuar me Panzer-at gjerman, të shitet mend me kontributin në luftën antiterror, antiklandestin dhe SAR kundrejt refugjatëve të luftës me anijen e Klasit Iliria, që do të dërgohet në Egje. Me anije të armatosur me top të fuqishëm uji do të mbrojmë Europën nga terrorizmi (Sic!). Për blerjen e këtyre anijeve të carmatosura e të parmatosshme nuk ka faj Mrika, por mendjelehtësia e Fatmir Medihoxhës dhe ish presidentit Topi, që hodhën poshtë ofertat turke, kineze, qoftë edhe anijet e rojes bregdetare italiane të Klasit Zara të modernizuara pa folur për patrullueset e mrekullueshme ?Shaldag? cifute me top automatic 25 mm të telekomanduar dhe me raketa të lehta det-det, duke blerë më shtrenjtë anije ultramoderne të klasit Iliria të armatosura me topa uji!!!!!!!! Shitet mend me një mikrokontigjent shqiptar në vendet balltike, që do ta trembë ariun rust ë zgjuar nga gjumi, ndërsa ka vite e vite, që hajdutëria në MInisttrinë e Mbrojtjes nuk ble dot një dorë APC, qoftë franceze të blinduara lehtë, qoftë VTLM Lince italiane apo DZIK 3 polake për të bërë të lëvizshëm (mobile) një battalion të vetëm të me demk ushtrisë shqiptare. Të merresh me hallet e ushtrisë shqiptare të shndërruar në një repart të madh MCR-je apo edhe në një ndërmarrje komunale për pastrime plehërash duhet një enciklopedi disa vëllimshe dhe jo një artikull i shkurtër. Pikërisht për këtë arsye në shkrimin tonë ne do të citojmë fjalë për fjalë sesi realisht e konsiderojnë aleatin shqiptar qarqe influente të NATO-s.

Citimi është marrë nga një shkrim i OJF-së influente ?Geopolitical Monitor.? Theksojmë se kemi të bëjmë me një OJF serioze jo si simotrat e saj shqiptare, që kryesisht kanë për pronarë OJQ-irsa ish spiunë Sigurimi, të cilët grihen duke rrjepur fonde nga USAID-i te zyra e ish gazetares së Radio 101-shit. Më pas pa pikë turpi këta euratlantikë të flakët ?qethin? rubla, dinarë e rials nga ambasadat e vendeve përkatëse. ?Geopolitical Monitor? për shkak të reputacionit të lartë nuk guxon t?i shesë sapunin për djathë ndonjë amabsadori amerikan sic ngjau me Tong Zhi Lu-në e ngratë, kur një OJF shqiptare i mbushi mendjen se në sajë të punës së mirë të Rilindjes së Ramës rreziku xhihadist për Shqipërinë ishte ulur shumë. Ishte bërë gati inekzistent. Më pas ndodhi historia me ndeshjen Shqipëri-Izrael të planifikuar në Stadiumin e Shkodrës, që tregoi se xhihadizmi shqiptar jo që nuk është bërë thuajse inekzistent, por është shndërruar në virulent. ?Geopolitical Monitor? shkruan për Shqipërinë:

Albania, who joined in 2009, is one of Europe?s biggest producers of marijuana as well as a major safe haven for the heroin and cocaine trade across the continent. Organized crime is rife, as the country has one of the highest rates of illegal gun ownership in the world, a fact that even sparked the interest of ISIS. The Caliphate has been aggressively recruiting followers in Albania and there are even unconfirmed reports of ISIS training camps operational on the Kosovar side of the border.

Përkthimi:

Shqipëria, që u pranua në NATO në vitin 2009, është një nga prodhuesit më të mëdhenj të marijuanës si edhe një vendstrehim i sigurtë për tregëtinë e heroinës dhe kokainës mespërmes kontinentit (Europian). Gëlon krimi i organizuar dhe vendi ka një ndër përqindjet më të larta të armëmbajtjes pa leje në rang botëror. Ky fakt ka ngjallur edhe interesin e ISIS-it. Kalifati në mënyrë agresive po rekruton dishempuj në Shqipëri dhe ka raporte të pakonfirmuara për kampe stërvitje të ISIS-it në anën kosovare të kufirit.

Një aktakuzë e tillë mediatike nuk ka nevojë për komente. Shpresojmë, që rilindasit ta lexojnë e të marrin masa reale e të ngutshme duke hequr dorë nga propaganda dhe spektakli si ai më i fundit i gjeneraleshës së parë shqiptare. Për më shumë mund të konsultohet i gjithë shkrimi i ? Geopolitical Monitor? në linkun:

https://www.geopoliticalmonitor.com/nato-tested-on-both-sides-of-the-atlantic/