web counter
LEXO PA REKLAMA!

SHKARKO APP

App Store
Google Play

E fundit!

x

Detajet/ Basha-Meta fillojnë negociatat

18 Nëntor 2016, 17:31, Aktualitet CNA

Ashtu si në muajin qershor, kur kreu i PD Lulzim Basha dhe ai i LSI, Ilir Meta, negocionin me njëri-tjetrin dhe një nga personat ndërmjetës ishte Fahri Balliu, sot, dy personazhe të tjerë kanë filluar negociatat midis Bashës dhe Metës, të cilat konsistojnë me llogaritjen e numrave që kreu i LSI po bën duke ditur se socialistët së bashku me PDIU nuk kanë më shumë se 64- 66 mandate.

Burime i thanë citynews se Basha ka qenë mjaft i hapur në negociatat e tij dhe ishte i gatshëm të bënte gjithçka që në zgjedhje të shkohej pa Edi Ramën si kryeministër i vendit.

Ilir Meta mësohet se është i vendosur për të goditur qeverinë, pasi nuk ka asnjë garanci se mund të ketë zgjedhje të lira me Saimir Tahirin Ministër të Brendshëm apo vetë Edi Ramën kryeministër.

Ajo që i bashkon Bashën dhe Metën duket se është garancia për zgjedhjet e ardhshme parlamentare. Nga ana tjetër kreu i LSI dhe njerëzit e tij, prej disa kohësh kanë filluar sulmet publike ndaj ministrave të ndryshëm të kabintetit Rama, për të bërë të mundur që të largohet çdo përgjegjësi e LSI nga skandalet në qeveri prej ministrave të PS.

Burimet i thanë citynews se negociatat mes Bashës dhe Metës vazhdojnë. Ajo që mësohet është fakti se kreut të LSI i janë bashkëngjitur 3-4 deputetë socialistë të pa kënaqur nga drejtimi i Ramës. Ata, së bashku me LSI dhe PD, mund të krijojnë një mazhorancë të re parlamentare.

Emrat e tyre dhe disa personazheve të tjerë të politikës shqiptare po diskutohen si ministra të mundshëm në një kabineti me një kryeministër femër, e cila mund të ishte Mimoza Hafizi dhe me ministra nga gjitha rrymat në parlament./citynews





Lajmet e fundit nga