web counter
LEXO PA REKLAMA!

SHKARKO APP

Detaje të reja/ Policia: Trupi i gjetur në Kashar, dyshohet të jetë vrarë

18 Nëntor 2016, 15:36, Aktualitet CNA

Zbardhen detaje të reja nga ngjarja e ndodhur sot në Kashar, ku u gjet një trup i pajetë. Burime nga policia bëjnë me dije se dyshohet që shtetasi në fjalë të jetë vrarë.

Të njëjtat burime theksuan se rreth orës 10:50, ka ardhur një telefonatë në numrin e emergjencave 112, se në Kashar tek ish reparti ushtarak afër Xhamisë, ndodhet një person e seksit mashkull i shtrirë, i cili dyshohet i vdekur.

Menjëherë janë nisur Shërbimet e Komisariatit të Policisë Nr 6, të cilët në vendin e ngjarjes kanë gjetur një person të pajetë të seksit mashkull si dhe në krahë të tij një armë zjarri automatike.

Grupi hetimor në vendin e ngjarjes ka bërë të mundur identifikimin e viktimës, shtetasi E. Ll., i cili është dërguar në ambientet e Mjeksis Ligjore.

Nga hetimet paraprake dyshohet të jetë vetë vrasje.

Nga të dhënat paraprake të familjarëve, është konfirmuar se ky person është konstatuar se kishte probleme të shëndetit mendorë dhe kurohej rregullisht.

Vazhdojnë hetimet në lidhje me këtë ngjarje.





Lajmet e fundit nga