Ja si do t'i kërkojë Rama falje Trumpit/ Nga Mustafa Nano

18 Nëntor 2016, 13:30, Aktualitet CNA

Mustafa Nano pasi ka analizuar në një shkrim për Mapon, gafën e Ramës me deklaratat anti Trump. Ai ka imagjinuar edhe mënyrën që do të gjeje kryeministri ynë për tu afruar me presidentin e ardhshëm të SHBA.

Nuk duhet humbur ky dialog imagjinar që mund të zhvillohet pikërisht kështu një ditë: “unë qysh tani jam duke e përfytyruar një skenë në summit-in e ardhshëm të NATO-s. Në një nga pushimet e mbledhjes, Rama i afrohet Trump-it. Dhe mes tyre bëhet ky dialog:

Rama: Zoti Trump, unë quhem Edi Rama, jam kryeministri i Shqipërisë.

Trump: Ah, Edi Rama! Ti je ai që nuk le gjë pa thënë ndaj meje në një moment të fushatës?

Rama: Po, unë jam.

Trump: Ke bërë gabim, i dashur.

Rama: E di. Dhe e kam ditur qysh në momentin që e bëra.

Trump (qesh): Kjo është e bukur. Kjo më pëlqen.

Rama: Madje, në daçi ta dini, unë ju admiroj. Por mua më takonte të thoja diçka, ngaqë jam kryeministri i një vendi me shumicë myslimane. Dhe unë ju garantoj që myslimanët e Shqipërisë nuk janë si myslimanët e botës. Të ftoj të vish në Shqipëri e t?i shohësh vetë.

Trump: Pse jo? Do të më pëlqente të vija në Shqipëri.

Rama: Oh, sa mirë! Dhe unë që mendoja se ju kishte mbetur qejfi.

Trump: Po jo, ç?është ajo fjalë. Unë e kisha harruar këtë gjë. Ja, ti ma kujtove tani.

Rama (shumë i lumtur): Po një selfie mund ta bëjmë?

Trump: Pse jo? Selfie-t janë pasioni im. Edhe rrjetet sociale.

Bëjnë një selfie. Aty pranë afrohet, si me porosi, Angela Merkel.

Merkel: Mister Trump, Edin Ramën e kemi djalin e mirë të lagjes së keqe.

Trump: Nuk po kuptoj. Cila është lagjja e keqe?

Merkel: Ballkani pra.

Trump (i ftilluar): Ah, Shqipëria, Ballkani! Ok, ok. Se mua më është bërë mendja Meksikë, Kinë, Rusi, Lindja e Mesme. Ballkani nuk është në Lindjen e Mesme, apo jo?

Merkel e Rama (në një gojë, duke qeshur): Ballkani është në Europë!

Rama u kërkon edhe një selfie treshe. E bëjnë. Merkel-i në mes.

Një orë më vonë, portalet e Tiranës nxjerrin lajmin me titull: Trump-i i premton Ramës se do të vizitojë Tiranën. Si fotografi shoqëruese do të ishte selfie ku Rama pozon me Trump-in, që më parë do ish publikuar në Tëitter-in e tij me shënimin: ?Nuk është montazh, as një foto e paguar: krah për krah me presidentin amerikan, Donald Trump?.