web counter
LEXO PA REKLAMA!

SHKARKO APP

App Store
Google Play

E fundit!

x

Destabiliteti i Metës/Qeveria nuk ka 71 vota në Parlament

18 Nëntor 2016, 10:52, Aktualitet CNA

Lëvizjet e fundit të Ilir Metës si dhe llogaritë e numrave për të tronditur Edi Ramën në qeverisjen e vendit, duket se mbështeten tek mungesat e 71 votave nga ana e PS-së dhe aleatëve të tij të vegjël, siç është PDIU.

Ilir Meta është i qartë në veprimet e tij dhe skemat që po përdor për të tronditur qeverinë dhe për ti treguar Ramës se është ai faktori kryesor që mban qeverinë në këmbë, dhe jo PDIU, e cila çdo ditë e më shumë po merr pushtet nga Edi Rama dhe po konsiderohet si aleati më i rëndësishëm dhe garancia e PS-së përfitohet në zgjedhjet e ardhshme.

Në parlament socialistët sot kanë rreth 60 mandate plus 5 të PDIU-së, maksimumi i tyre shkon në 65 mandate, pra në çdo moment Edi Rama është kryeministri që duhet të mbijetojë duke ju lutur Metës.

Sipas mandateve që kanë socialistët rezulton se në zgjedhjet e 2013-ës PS ka marrë 65 të tilla ku përfshihet edhe mandati i deputetit të LSI-së Spartak Braho. Në rast se do të heqim edhe mandatet e deputetëve Mimoza Hafizi dhe Ben Blushi, PS shkon në 62 Mandate. Në rast se do të llogarisim si vota kundër edhe mandatet e Vladimir Kostës, apo edhe deputetes së Vlorës që kontrollohet nga Koço Kokëdhima, Mira Shehu, në një aritmetikë mjaft të thjeshtë rezulton se socialistët kanë vetëm 60 mandate deputetësh, duke e çuar Edi Ramën në minimumin e tij historik si Kryeministër./Citynews





Lajmet e fundit nga