Kandidati i opozitës mbyll fushatën në Kolonjë/ Duka dhe Bode: Votoni Dritan Hajron

18 Nëntor 2016, 08:37, Aktualitet CNA

Kanidati i së djathtës në zgjedhjet për Bashkinë e Kolonjës, Dritan Hajro, ka zhvilluar aktivitetin përmbyllës të fushatës së tij.

Në këtë aktivitet merrte pjesë edhe kreu I Partisë Agrare Ambjentaliste Agron Duka dhe deputeti I Partisë Demokratike Ridvan Bode.

Në fjalën e tij Duka foli për varfërinë në këtë zonë të vendit dhe u shpreh I bindur se Hajro do ti jape fund kësaj maskarade, siç e quajti ai.

?Unë kam qënë prezent në disa takime, pothuajse në të gjithë zonën e Kolonjës, dhë të them të drejtën kudo kam vërejtur varfëri, kam vërejtur skamje, kam vërejtur prapambetje si në bujqësi dhe blegtori, infrastukturë shumë të dobët, por një natyrë të mrekullueshme që i ka falur Zoti. Prandaj ne na takon t’i kthejmë dinjitetin Kolonjës, natyrës së Kolonjës, kolonjarëve, të cilët në historikun e tyre kanë qënë popull që kanë nxjerrë njerëz shumë të ditur. Pra një natyrë e bukur me njerëz kaq intelektualë me një zhvillim të tillë është një paradoks i madh. Unë mendoj se kjo ndoshta ka ardhur ai pasojë e votimit jo ndoshta të gabuar nga ana juaj, por nga prerja në besë e qeverive të ndryshme. Duke qënë që është menduar gjithmonë si bastion i të majtës, është votuar përgjithësisht majtas, duke ju pasur në xhep atëherë përgjithësisht nuk ka pasur vemendjen e qeverive të majta të investojnë në këtë zonë. Ç?është më e keqja, ajo sarkazma, ajo që të bën të rëvoltohesh besoj edhe juve, janë ato investimet elektorale që mundohen të bëjnë në këto momente. Turpi më i madh është kur thuhet se ka 25 vjet që nuk është bërë asgjë nga qeveritë e ndryshme, ndërkohë që tre vjet e ka rilindja qeverinë dhe këto tre vjet ata thonë se nuk është bërë asgjë, në fakt ata bëjnë një autogol. Dhe hedhin ato pullat e asfaltit kur vjen nga Kolonja, apo disa makina zhavorr. Vijnë e ikin ministrat sikur janë të përmalluar dhe i preu bretku për Kolonjën, ndërkohë që gjatë gjithë kohës kanë qënë inekzistent. Zv/kryeministrin ka vënë setrën këtu dhe duket sikur me qënë ky kryetari i Bashkisë së Kolonjës, sikur nuk ka nevojë për zgjedhje, në një kohë që këtu ka qënë afër, rreth 50 km, por sa ka patur mundësi i ka çuar gjithmonë në Korçë. Kështu që unë mendoj se ju duhet të dini të zgjidhni dhe t?i tregoni vendin këtyre lloj maskaradave, e them me plot gojën, sepse nuk besoj se populli do të vazhdojë të gënjehet në këtë mënyrë?, tha gjatë fjalës së tij kreu I PAA-së Agron Duka.

Ndërsa kandidati për kryetar bashkie, Dritan Hajro, premtoi se do të punoj fort për popullin kolonjar dhe duke u shprehur se, bashkia do të jetë institucioni që do t?i japë zgjidhje çështjeve dhe problemeve të së përditshmes.

?Do të punoj instensivisht për mirëmbajtjen dhe hapjen e kanaleve të ujitjes dhe kullimit të tokave bujqësore. Do të hartojmë studime për bioenergjinë. Do të hartojmë politika çertifiikimi duke u mbështetur tek fermerët dhe prodhimi i produkteve bujqësore cilësore dhe konkurente në treg. Ky program shumë profesional mbi të gjitha është shumë i mundshëm për t?u zbatuar. Është një program konkret veprimesh që mundëson transformimin e territorit të bashkisë ku jetojmë e punojmë. Për të vënë në zbatim këtë program dhe projektzhvillim kërkoj mbështetjen tuaj më datë 20 nëntor për të qënë në krye të bashkisë dhe ku i gjithë stafi do të jetë një partner i juaji. Bashkia do të jetë institucioni që do t?i japë zgjidhje çështjeve dhe problemeve të së përditshmes?, tha Hajro.

Deputeti demokrat Ridvan Bode ftoi qytetarët e Kolonjës që votojnë kandidatin e opozitës në zgjedhjet e së dielës.

?Kam kënaqësi të veçantë që jam sot këtu mes jush dhe tju sjell përshëndetje në emër të Partisë Demokratike, në emër të kryetarit të PD, zotit Basha dhe t?ju ftoj ju dhe të gjithë votuesit e Bashkisë Kolonjë që ditën e dielë të mbështesin kandidaturën e zotit Dritan Hajro e cila është kandidatura e partive opozitare. Këto nuk janë zgjedhje politike të përgjitshme që mllefet, inatet apo le të themi dashuritë e mëdha të siglave që mund të na çojnë drejt zgjedhjeve të tilla që nuk marrin në konsideratë individin. Këto janë zgjedhje lokale, për kryetarin e Bashkisë, pra për qytetarin e parë, për administratorin e Bashkisë Kolonjë, dhe në këtë këndvështrim, çdo qytetar, cdo votues e ka për detyrë që në mënyrë jo subjektive, por në mënyrë sa më racionale, objektive të mund të bëjë përzgjedhjen e kandidaturave. Dhe unë mendoj se kandidatura e Dritani është më e mira. I takon banorëve të kësaj zone që të mbështesin Dritanin edhe për faktin që është një zonë tërësisht bujqësore dhe si e tillë mendoj që Partia Agrare Ambientaliste që na ofroi kandidaturën e Dritanit ne partive të Koalicionit Opozitar e ka në qendër të vemendjes këtë bashki. Të themi si xhevahirin e saj rreth të cilës do të përqëndrohet për të testuar dhe për të prezantuar më gjëtë suksesin e saj, zhvilimin e bashkisë Kolonjë, përmes politikave të zhvillimit agrar, përmes politikave të zhvillimit të integruar të këtij terreni. Dhe unë jam i bindur se qoftë edhe përkushtimi personal i zotit Duka, që unë e njoh si një njeri që mban fjalën njëlloj si Dritani, për njerëz të punës, kokë ulur që i qëndrojnë përballë njerzve dhe i shohin ata në sy, unë jam i bindur që bëni një zgjidhje të mirë. Bëni një aleancë jo thjeshtë me opozitën, por edhe me Partinë Agrare, edhe me Dritanin, edhe me Dukën për tju ndihmuar në ato që marrin përsipër publikisht”, tha në fjalën e tij Bode.

Zgjedhjet për Bashkinë e Kolonjës zhvillohen këtë të dielë. /Citynews