web counter
LEXO PA REKLAMA!

SHKARKO APP

App Store
Google Play

Makina bie në lumë/ Humbin jetën dy persona

17 Nëntor 2016, 22:29, Aktualitet CNA

Një makinë ka rënë mbrëmjen e sotme në lum në afërsi të Bulqizës, duke shkaktuar dy viktima.

Burime nga policia bëjnë me dije se viktimat janë shtetasit Endrit Zeneli, 40-vjeç, nga fshati Sopot Bulqizë dhe Edion Kola, 35-vjeç, banues në Sopot.

Të njëjtat burime bëjnë me dije se rreth orës 21.35 në Sallën Operative të Komisariatit të Policisë Bulqizë ka ardhur një telefonatë se një automjet ka rënë në lumë nga ura që të çon në fshatin Sopot.

Në vendngjarje kanë shkuar shërbimet e policisë dhe autoambulanca.

Policia ka marrë menjëherë një vinç ku ka bërë të mundur nxjerrjen e personave që ndodheshin në makinë në mes të lumit dhe konkretisht:

Në rrugën dytësore Tre Çezmat-Sopot, një kamjonçinë me targa AA 782 DH, që drejtohej nga shtetasi I.Z, ka rënë në lumin e Bulqizës  nga ura që të çon në fshatin Sopot.

Si pasojë  ka humbur jetën drejtuesi i automejtit shtetasi Indrit Zeneli, 40 vjeç, nga fshati Sopot Bulqizë.

Në automjet udhëtonin dhe dy shtetas të tjerë ku njeri prej tyre shtetasi R.L ka mundur të shpëtojë dhe të lajmërojë Policinë dhe  banorët për ndihmë.

Ndërsa shtetasi Edion Kola, 35-vjeç, banues në Sopot  është transportuar  me autoambulancë për në spital në gjendje shumë të rëndë, por ka ndërruar jetë rrugës për në spital.

Grupi hetimor në vendngjarja po kryen veprimet për përcaktimin e shkakut të rënies nga ura si dhe zbardhjen e plotë të rrethanave të ngjarjes.

 





Lajmet e fundit nga