web counter
LEXO PA REKLAMA!

SHKARKO APP

App Store
Google Play

Meta mesazh urimi për Universitetin “Fan S. Noli” në 45-vjetorin e themelimit

18 Nëntor 2016, 13:37, Aktualitet CNA

Në kuadër të 45-vjetorit të themelimit të Universitetit ?Fan S. Noli? në qytetin e Korçës, Kryetari i Kuvendit, Ilir Meta i ka dërguar një letër urimi rektorit të këtij universitetit, Ali Jashari.

Në urimin e tij, Kryetari i Kuvendit shpreh vlerësimet e tij për këtë institucion arsimor, i cili është një nga më të rëndësishmit në formimin e brezave të rinj.

?Më lejoni që me rastin e festimit të 45-vjetorit të themelimit të Universitetit ?Fan S. Noli? të qytetit të Korçës, t?ju përshëndes dhe t?ju uroj suksese të mëtejshme në misionin tuaj fisnik, ditët, muajt dhe vitet në vazhdim. Misioni i mësimdhënies, i edukimit dhe formimit universitar e shkencor të të rinjve është sa fisnik aq edhe i rëndësishëm. Universiteti ?Fan S. Noli? i qytetit të Korçës i dekoruar me titullin e lartë ?Nderi i Kombit?, e përmbush gjerësisht këtë rol, meriton emrin e shqiptarit të madh që mban, duke u kthyer në një institucion serioz të Arsimi të Lartë në Shqipëri dhe në qendër të përkushtuar të kërkimit shkencor?, u shpreh Meta.

Kryetari i Kuvendit shtoi se këto vite janë vijimësi e traditës arsimdhënëse të qytetit të Korçës. ?Në mozaikun e larmishëm kulturor dhe arsimor të qytetit të Korçës, roli i Universiteti ?Fan S. Noli? duket se është një vazhdimësi e logjikshme e ?Mësonjëtores së Parë të Shqipes?, ?Liceut Francez?, shkollës pedagogjike ?Petro Nini Luarasi?. Vatra të vërteta arsimdashëse, në të cilat dhanë mësim ose studiuan figura të spikatura intelektuale të mësimdhënies dhe personalitete të shkencës, kulturës, artit, me të cilat krenohet jo vetëm Korça, por e gjithë Shqipëria?, theksoi Meta.

Gjithashtu, Kryetari i Kuvendit nënvizon se universitetet japin një rol të rëndësishëm në formimin dhe krijimin e brezave, që i bëjnë ballë ndryshimeve politike dhe ekonomike.





Lajmet e fundit nga