E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Ilir Meta është faktori Anti Rama!

15 Nëntor 2016, 18:07, Aktualitet CNA

Kreu i Kuvendit dhe LSI-së sot është faktori kryesor anti Rama në vend. Ai është njeriu që Edi Rama e ka problem dhe jo opozita, Meta është njeriu që vendos nesër ku shkojnë balancat e pushtetit dhe jo Lulzim Basha, fatkeqësisht. ?Profecia? po bëhet realitet.

Të qëndrojmë tek informacionet e fundit dhe aktualiteti politik, Meta së fundi ka filluar një lëvizje të re, duke tentuar të trondisë edhe njëherë mazhorancën e majtë. Kreu i LSI e di mjaft mirë se çfarë është duke bërë. Ai tenton përmbysje me numrat në parlament, për disa arsye.

Së pari tregon se është ai faktori dhe jo PDIU e Idrizit.

Së dyti i jep shënja Bashës së kanë shtigje bashkëpunimi.

Së treti tregon forcën dhe luan hapur. Rama jo kryeministër dhe shkon në zgjedhje dhe me pazarin më të vogël, që kreu i qeverisë se pranon, kokën e Saimir Tahirit.

Së fundi lufton për kryeministër me një PD të dobët dhe PS të rrëzuar nga pushteti.

Ilir Meta është më aktiv, më i egër, më intrigatnt dhe më politikan sesa Basha. Ky i fundit po kalon së fundi në skenë si pol i tretë.

Ilir Meta është faktori që mban Ramën në pushtet apo sjell Bashën në pushtet. Ndan rrugët e opozitës për sa kohë Rama e Basha e ?dashurojnë? dhe nuk bashkohen. Të dy e dinë mjaft mirë, ndërsa Ilir Meta sot luan me skemën, kush vjen pas meje mer pushtetin. Dhe partitë atë qëllim kanë. Rama sulmon, Meta luan, Luli se di as vetë çfarë është duke bërë.

Sot njeriu më anti Rama në politikën shqiptare është Ilir Meta. Këtë hapësirë ja ka dhënë vetë Lulzim Basha duke e lënë në hije dhe pa sulmuar prej shumë muajsh, ish-aleatin e djeshëm që sot ka siguruar mazhorancë kushtetuese me socialistët.

Ilir Meta është njeriu më anti Rama. Ai kryen levizjet dhe intrigat, ai tërheq deputetë dhe krijon skenarë apo ekuacione politike. Çon ?demokratët? e oborrit nga wiski tek kafja zeher. Nga pushteti tek opozita e gjatë.

Basha veçse gabon, përjashton dhe kupton me vonesë si luan Meta. Basha ende nuk është faktori kryesor anti Ramë, as lideri i opozitës, Basha është kryetari i një partie që në fakt nuk e meriton ta ketë në krye.

Meta duket jo pa mbështetjen e Berishës i cili tashmë është i bindur se PD nuk vjen në pushtet pa aleancë me ish-zv/kryeministrin e tij.

Berisha dhe Meta vëzhgojnë lëvizjet e Bashës që maksimumin e këshillimit e ka tek njërëzit e Henri Çilit, sot ideologu i Ramës. Më keq akoma Luli ?fle? me zgjidhjet e Fahriut, që Meta e përdor për lojëra dhe intriga të pavlera politike. Më shumë për tu argëtuar kur ka kohë për ?qershi?.

Sot Ilir Meta, është njeriu anti Ramë sepse është i vetmi që lufton ta dobësojë, ta rrezojë por edhe të hakmerret ndaj tij. Meta i përgjigjet flak për flakë çdo intrige dhe loje politike të Ramës që Basha në fakt i kupton me vonesë dhe reagon me vonesë.

Meta është anti Rama ndërsa Basha është në rolin e Jovan Bregut, sipas reagimit dhe pasionit për magazinën. Në fakt kjo tregon dobësinë e tij dhe të stafit që ka nga pas. Meta, ata që ka Basha si sekretarë i mbulon i vetëm, por edhe pak me mbështetjen e Petrit Vasilit se po mori edhe Monikën, Basha dhe stafi i tij nuk janë as si Sandër Mafishja e jo më faktorë poltikë në zhvillimet e vendit.

Magazina me magazinier pa inventar dhe e vjedhur e gjitha nuk i duhet askujt, thjesht dhe vetëm magazinierit që të marë rrogën dhe Ilir Meta këtë e di mjaft mirë prandaj dhe është në rolin anti Rama duke sfumuar Lulzim Bashën./ Elvi Fundo