E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Ndocaj letër Krerëve partiakë dhe instucionalë/Të bëjmë të mundur Votën e Emigrantëve

15 Nëntor 2016, 16:33, Aktualitet CNA

Deputeti i Partisë Socialiste Eduart Ndocaj i ka nisur një letër të hapur sot Presidentit Bujar Nishani, Kryeministrit Edi Rama, Kyeparlamentarit Ilir Meta, Kreut të PD-së Lulzim Basha si dhe Kreut të Grupit Parlamentar të PS-së Gramoz Ruçi. ‘Kaubojsi’ u kërkon atyre që të punojmë së bashku pa ndasi për të bërë të mundur votën e Emigrantëve.

Kujtojmë se Citynews publikoi dje lajmin se Ndocaj ikën nga Rama dhe vendoset në krye të Partisë së Emigracionit Shqiptar (PESH).

Letra e plotë e deputetit Ndocaj, drejtuar krerëve partiakë dhe institucionalë.

Me rënien e Regjimit në fillim të viteve ?90, për shkak të varfërisë ekstreme, papunësisë, pasi shqiptarët fituan lirinë për të lëvizur zgjodhën emigracionin drejt vendeve të Europës si shpresë të vetme për një jetë më të mirë.
Kështu gjatë viteve ?90 dhe jo vetëm, shqiptarët identifikohen me eksode të ndryshme emigracioni drejt vendeve të Europës dhe Perëndimit.
Emigracioni i shqiptarëve nuk ishte vetëm për arsye ekonomike, por edhe për arsye psikologjike, për të rifituar një liri të mohuar prej thuajse 50 vitesh.
Megjithatë, arsye bazë dhe kryesore përse shqiptarët emigruan ishte papunësia, varfëria dhe mungesa e një shprese për të jetuar sipas standardeve në vendin e tyre të sapo dalë nga diktatura më egër e të gjitha kohëve.
Emigracioni i masiv i shqiptarëve drejt Perëndimit dhe Europës me kalimin e kohës do të studiohet e do të konkludohet se ka pasur efekte pozitive dhe negative.
Negativ ishte fakti, se mijëra të rinj shqiptarë u larguan duke e përgjysmuar kështu popullsinë tonë. Ana e mirë e emigracionit nëse mund të konsiderohet kështu ishte fakti, se falë emigrantëve shumica e familjeve shqiptare filluan të njohin mirëqenien dhe filluan të bëjnë ndërtime që më parë nuk ishin konceptuar në optikën e banesave shqiptare.
Tashëm dihet dhe është e pranuar se kontributi i emigrantëve në këto vite tranzicioni ka qenë më i rëndësishëm për ekonominë shqiptare. Kjo falë dërgesave në të holla, por edhe faktit se kanë vendosur e kanë zgjedhur të bëjnë investime të konsiderueshme në fusha e sektorë të rëndësishëm të ekonomisë shqiptare.
Pa kontributin e emigracionit nuk do të kishim zhvillimin urban që kemi sot, nuk do të kishim zhvillimin ekonomik që kemi sot e patjetër nuk do të kishim kulturën e ekonomisë së tregut që kemi sot.
Shqipëria pa kontributin e emigracionit nuk do të ishte një vend i mbaruar, por as nuk do të ishte vendi që sot ka njohur zhvillime të rëndësishme të njohura edhe nga institucionet e BE që kanë vendosur të bëjnë hapa të rëndësishëm në procesin e integrimit të Shqipërisë në BE.
Sipas statistikave që tashmë janë të publikuar, mund të themi se më shumë se gjysma e shqiptarëve, që vazhdojnë të kenë pasaportën shqiptare jetojnë jashtë Atdheu. Megjithatë, edhe pse janë shtetas shqiptar, ata nuk gëzojnë të drejtat themelore të garantuara nga Kushtetuta.
Shqipëria, është i vetmi vend në Rajon dhe në Europë që nuk ka bërë të mundur të Drejtën e Votës për qytetarët e saj që jetojnë jashtë territori.
Pra, Shqipëria është i vetmi vend që nuk ka aplikuar atë që njihet si Vota e Emigrantëve, por që do të preferoja ta quaja Vota e Qytetarëve Shqiptarë që jetojnë jashtë territori për arsye pune, emigrimi, studimi, pune apo edhe azili.
Për sa kohë emigrantët nuk kanë mundësi të zgjedhin dhe të zgjidhen ashtu siç është e shkruar dhe e garantuar në Kushtetutë, mund të themi me siguri se Demokracia shqiptare është një demokraci e cunguar dhe jo e plotë.
Sot dhe në këto 70 vitet e fundit i vetmi përfaqësues i Emigracionit në Parlament jam unë dhe kjo jo për shkak të proceseve politike shqiptare, por për shkak të rrethanave të tjera dhe falë Partisë Socialiste që vendosi të më fus në listat e 2013. Në atë kohë Partia Socialiste ishte e vetmja Parti që pati para dhe gjatë fushatës së 2013 që e pati slogan Votën e Emigracionit.
Nga momenti që kam gëzuar mandatin e Deputetit jam përpjekur brenda rrethanave dhe mundësive të krijuara e jo politike të përfaqësoj interesat e qytetarëve, por edhe të emigrantëve si të tillë. Megjithatë, mendoj se misioni im nuk është përmbushur përsa kohë emigrantët nuk gëzojnë të Drejtën Kushtetuese të zgjedhin dhe të zgjidhen.
Unë, këtë letër të hapur vendosa ta shkruar duke e konsideruar Votën e Emigrantëve si themelin e Demokracisë shqiptare dhe në të njëjtën kohë si interes kombëtar. Demokracia është një ndër interesat me të rëndësishme kombëtare që shqiptarët me shumë mundë kanë 25 vjet që po përpiqen për ta ndërtuar.
Përderisa Vota e Emigrantëve është interes kombëtar, ajo duhet të trajtohet mbi palët, si një proces politik kombëtar. Për këtë arsye dhe duke e konsideruar politikën si misioni i përfaqësimit të interesave kombëtare, u bëj thirrje të gjithë palëve të punojmë së bashku pa ndasi për të bërë të mundur votën e Emigrantëve.
I bëj thirrje z. Nishani, përfaqësuesit të Shtetit dhe garantit të Kushtetueses të jap kontributin e tij për respektimin e kësaj të fundit. Vota e Emigrantëve është një e Drejtë Kushtetuese dhe si e tillë është detyrë e Presidentit të Republikës të japë kontributin e tij personal dhe institucional në respektimin dhe aplikimin e kësaj të drejtë themelore demokratike dhe jo vetëm.
Po ashtu i bëj thirrje Kryeministrit dhe Kryetarit të Partisë Socialiste z. Edi Rama ta bëj agjendë kryesore politike dhe institucionale çështjen e Votës së Emigrantëve. Duhet të theksojmë se z. Rama e kishte slogan Votën e Emigrantëve në zgjedhjet e 2013.
Edi Rama është Kryetari i Maxhorancës dhe i ka të në dispozicion të gjitha mekanizmat për të iniciuar nismat politike dhe propozimet juridike për aplikimin e Votës së Emigrantëve.
Po ashtu i bëj thirrje z. Meta, Kryetarit të Parlamentit dhe të Lëvizjes Socialiste për Integrim të mbështes Votën e Emigrantëve.
Aplikimi i Votës së Emigrantëve është një proces që kalon përmes Parlamentit, sepse kërkohen të propozohen e të miratohen norma susidiuese që bëjnë të mundur aplikimin e Votës së Emigrantëve. Po ashtu z. Meta është aleati më i madh dhe i Qeverisë dhe i Maxhorancës. Meta, ka dëshmuar disa herë se është pro Votës së Emigrantëve. Prandaj, ka ardhur momenti që ai të jap kontributin e tij politik dhe jo vetëm në këtë drejtim.
I bëj thirrje edhe z. Basha, Kryetarit të Partisë Demokratike dhe Opozitës të japin kontributin e tij politik në realizimin e të Drejtës së Votës së Emigrantëve. Basha bën pjesë tek gjenerata që kanë studiuar jashtë dhe kanë vendosur të kthehen të kontribuojnë për proceset politike të Shqipërisë. Prandaj, ai e di shumë mirë rolin dhe rëndësinë e Emigracionit Shqiptar.
Ndërsa z. Ruci i bëj thirrje, sepse ai është Kryetar i Grupit Parlamentar të Partisë Socialiste ku jam edhe unë anëtarë.
I bëj thirrje z. Ruci që ta marr seriozisht dhe ta vendos Votën e Emigracionit në agjendën politike të Grupit Parlamentar të Partisë Socialiste.
Shqipëria është i vetmi vend i Rajonit dhe i Europës që u mohon qytetarëve të saj të Drejtën Kushtetuese për të zgjedhur dhe për të qenë të zgjedhur.
Shqipëria është vendi që aspiron dhe meriton të jetë anëtar me të drejta të plota në BE.
Megjithatë, Shqipëria nuk mund të bëhet anëtare e BE porsa kohë ka një demokracia të cunguar duke përjashtuar nga e Drejta e Votës më shumë se gjysmën e popullsisë që ka për arsye të ndryshe ndodhet jashtë territori.
Institucione dhe politika shqiptare pa ndasi dhe në shërbim të interesit kombëtar duhet të punojnë së bashku për të bërë të mundur aplikimin e Votës së Emigrantëve.
Zgjedhjet e 2017 duhet të jenë zgjedhje e para e gjithëpërfshirëse për çdo shtetas shqiptar pavarësisht vendit ku ka zgjedhur të jetoi./ Citynews