E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Zgjedhjet 2017/ Cilat janë dhe si do funksionojnë shtabet elektorale të PS dhe PD

12 Nëntor 2016, 18:40, Aktualitet CNA

Partia Socialiste, ka shpallur disa ditë më parë koordinatorët e 12 qarqeve në vend që do të drejtojnë fushatën elektorale. Një nga ndryshimet që u përfol më shumë është ai i Koço Kokëdhimës nga qarku i Vlorës dhe zëvendësimi i tij me Damian Gjiknurin.

Nga ana tjetër, Partia Demokratike duket se është një hap mbrapa për sa i përket zgjedhjes së kryetarëve të qarqeve dhe të degëve. Nëse PS ka nisur në heshtje fushatën elektorale, PD vijon të merret me zgjedhjet në parti për kryetarët e degëve.

Skema e PS

Partia Socialiste, ka vendosur që të ketë 12 koordinatorë qarqesh, të cilët do të kenë të drejtë të zgjidhen si deputetë të parlamentit shqiptar. Në cdo qark të Shqipërisë, PS ka vendosur edhe kryetarët për çdo bashki. Për shembull, nëse qarku i Tiranës përfshin bashkitë, Tiranë, Vorë, Kamëz, Kavajë e Rrogozhinë, për secilën nga këto parti do të ketë nga një kryetar.

Risia në ristrukturimin e shtabit elektoral në PS, do të jetë se kryetarët e PS në bashkitë perspektive nuk do të kenë mundësi të kandidojnë për deputet, apo të ushtrojnë poste publike. Ata do të jenë rrogëtar në Partinë Socialiste. Burime nga PS thanë se ky ristrukturim i tillë bëhet me qëllimin e përqendrimit të personave në fjalë vetëm me punët e partisë.

Skema e PD

Në ndryshim nga PS, demokratët e Bashës, në gati 6 muaj nga fillimi zyrtar i fushatës, ende nuk ka përfunduar zgjedhjet në bazë. PD duket të ketë probleme të thella organizimi dhe struktura të dobëta. Në Durrës, Vlorë, Dibër, Tiranë dhe degë të tjera, nuk ka kryetar, por edhe strukturat duken në konflikte të thella dhe mjaft klanore. Basha ka emëruar pak kohë më parë të deleguarit në qarqe, ashtu si kundër kanë bërë edhe socialistët, por pas emërimit të tyre, në PD filluan përplasjet. Kontestime të forta nisur nga zëra pranë Bashës që reflektonin pakënaqësi. Vetë Basha, 48 orë pas emërimit të tyre tha se personat nuk ishin kandidatët e ardhshëm dhe kryesuesit e listës por thjesht të deleguarit për zhvillimin e zgjedhjeve në strukturat e PD.

Në rast se bëjmë një krahasim, socialistët kanë të parin e listës së deputetëve në 12 qarqe, i cili mund të quhet edhe kryetari i grupit të punës, demokratët vazhdojnë të bëjnë zgjedhjet në parti.

Socialistët kanë ndezur motorët elektoral dhe kanë konfiguruar struktura, kurse demokratët kanë ende probleme të forta organizimi./citynews