web counter
LEXO PA REKLAMA!

SHKARKO APP

App Store
Google Play

E fundit!

x

IK! E-DRAMË, IK...!

12 Nëntor 2016, 18:01, Aktualitet CNA

Ia dole shoku eDramë. I munde të gjithë skeptikët, kritikët, kritizerët dhe oponentët e “drejtimit…Tënd…të duhur…” -munde “Senatorët” e urtë të familjes tende socialiste. Ata vazhdojnë akoma të mbeten buzëmbledhur, ndonjëri edhe të ka nënqeshur, po deri aty, “të urtit…(që në shumë proverba të “slang-ut” popullor rimon me të përmutit…), nuk patën kurajo të ta vinin “kapistrën” të të lidhnin shkurt, qysh kur ishe kërriç brenda vathës, mos o zot mbasi dole në kullotë, që të gëzonte “armiku”…tani janë dorëzuar të gjithë, dhe vazhdojnë me të njejtën nënqeshje, të të vështrojnë jo pa dhimbje,tek hedh shkelma e pordhë në erë. E sidomos këto të fundit, po helmojnë vendin, thua të paskësh hyrë dreqi në bark.

-sh. eDramë, i ke mundur edhe kritikët, edhe kritizerët besdisës,thumbues, pickues, dhe kafshues, jo për antidotin që pi, as për xhuf-kën fshikulluese të bishtit, po se djalli ta pati mbushur plot strajcën e “tagjisë” dhe pikërisht “furnitori” të këshilloi t’u shpërndaje porcionin e tyre. Tani të ngopur, flenë pallë në diellin e sheshit te Tiranës, tek-tuk ndonjeri ngre kryet, sheh me shqetsim, gërmimet, pastaj duke parë gjumin e rehatshëm të kolegëve, pëshpërit me vete “ç’i q… t’ëmën…”

– me dhimbje gjithashtu, të siguroj se edhe oponentët i ke mundur. E sidomos ata i ke mundur kaq bukur, në mënyrën ma “spektakolare” të mundshme. Mos kujto se ka qënë “porcioni” i tagjisë, jo. As langojtë që bënin zhurmë dhe shpesh e kapnin për rreckash,sa hapte gojen. Jo shoku eDramë. Gjenia jote, dmth dinakëria, qëndron tek “doreza” e sfidës që ju hodhe. Dua të them injoranca…haha. Kemi qeshur të gjithë se si u hodhën “hopa” oponentët që ta rroknin, sikur të ishte buqeta e nuses….haha…pastaj kërkonin të të luftonin me armët e Tua, kur dihet fituesi në këso dyluftimesh…me këtë dorezë ta shkul dhëmballën…

Shiko eDrama e këtij vendi Tani “drejtimi i duhur…”, ka mbërritur në destinacion. E sheh edhe vetë më duket; aventurat kanë finishin e tyre; kriminelat janë instaluar mirë e bukur në legjislativ, në administratë qëndrore e lokale, në komunitete deri tek kryepleqtë e katundit. Ekonomia e bollshme kriminale i ka mbushur hangarët sa po plasin. Eksporti, me shumë pak firo,(ndonjë sabotim tek-tuk), po shkon mrekulli. Politika e jashtme, me shumë pak ndihmë, i ka identifikuar “armiqtë e jashtëm” të brendshmit i ke nën zap… Pra e gjete humnerën e duhur…, i’a dhe edhe shtytjen me ata patkoj firmato, tani lëre në rrokullimën e vet. Dhe ik. Ik në bunker a në Surrel. Ik eDramë… Dhe e di se pse ta them? Kanë provuar shumë t’ia japin rrokullimën këtij vendi të vockël. Po Shqipëria është zgjua me grerëza. Ik. Ashtu me faqe të zezë. Po ik!/Zef ZEFI

 





Lajmet e fundit nga