E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Zgjedhjet në Kolonjë/ PAA akuza të rënda PS-së: Po bën fushatë me paratë e taksapaguesve

12 Nëntor 2016, 15:05, Aktualitet CNA

Kur na ndajë rreth një javë nga zgjedhjet e parakoshme në Bashkinë e Kolonjës, Partia Agrare Ambjentaliste, e cila garon në këto zgjedhje përkrah koalicionit të djathtë me kandidat Dritan Hajro, lëshon akuza të forta në drejtim të Partisë Socialiste.

Në reagimin e PAA-së thuhet ndër të tjera se, ?Partia Socialiste po ju survejon dhe monitoron votën, duke ju caktuar që të votojnë me shenja të veçanta, në mënyrë që të kontrollohet vota e tyre në fletën e votimit?.

Reagimi I Partisë Agrare Ambjentaliste:

?Shtabi Elektoral i Kandidatit për kryetar Bashkie I Kolonjës dhe PAA denoncojnë sot veprime dhe akte që cënojnë rëndë fushatën elektorale dhe garën mes kandidatëve.

Ju bëjmë me dije se banorë të Kolonjës, të qyteteve Ersekë dhe Leskovik, punonjës në administratën publike na deklarojnë që Partia Socialiste po ju survejon dhe monitoron votën, duke ju caktuar që të votojnë me shenja të veçanta, në mënyrë që të kontrollohet vota e tyre në fletën e votimit.

I bëjmë thirrje KQZ që të shikojë mundësinë e nxjerrjes së një udhëzimi të veçantë, siç dhe e përmban Kodi Zgjedhor që votuesit do të duhet të votojnë brenda kuadratit me shenjat ? (plus) ose x (iks) në fletën e votimit dhe të konsiderohet e pavlefshme çdo fletë votimit që mban shenja dhe simbole, përtej të parashikuarave në Kod, gjë që mbron lirinë e shprehjes së votës.

Ju bëjmë thirrje organeve kompetente, por edhe strukturave të krimit ekonomik të ndalin revanshin e përdorimit të pushtetit në dispozicion të fushates elektorale të Partisë Socialiste. Drejtore Rajonalë dhe të Përgjithshëm që braktisin detyrën dhe qëndrojnë për të bërë fushatë në Kolonjë, punonjës administrate gjithashtu që hiqen nga puna dhe aktivizohen në Kolonjë, automjete të shtetit që përdoren në fushatë, duke shpenzuar karburantin e institucioneve të shtetit. Me pak fjalë fushata e Partise Socialiste po bëhet dhe investohet me paratë e taksapaguesve.

I bëjmë thirrje shtetit të reagojë në mënyrë të menjëhershme për të ndalur reprezalien ndaj votuesve, ushtrimin e presionit ndaj administratës publike, përdorimin e aseteve të shtetit në shërbim të kandidatit socialist, të cilit përgjigjen më votë do ia japin kolonjarët, që do të votojnë ndryshimin, sepse ka ardhur Koha për Zgjidhje.

Pushtetarë, mjaft me investime elektorale! Po ndërtoni ura, po hidhni vallaha investime për rrugë. Po blini turbo ujësjellësash dhe po i lini nëpër rrugët e qyteteve apo ndonjë fshati, për reklamë.

Nuk gënjehen më kolonjarët me gënjeshtra.

Kolonja voton në këto zgjedhje kandidatin e PAA z.Dritan Hajro, kryetarin e ardhshëm të Bashkisë Kolonjë. Koha për Zgjidhje!

Zgjedhjet e parakohshme për Bashkinë e Kolonjës zhvillohen më 20 nëntor. /Citynews