web counter
LEXO PA REKLAMA!

SHKARKO APP

App Store
Google Play

Letra e Metës për ndarjen nga jeta të akademikut dhe historianit të njohur, Arben Puto

12 Nëntor 2016, 13:33, Aktualitet CNA

E dashur Leonora,

Të dashur Robert dhe Artan,

Me hidhërim të thellë mësova lajmin e trishtuar për ndarjen nga jeta të Profesor Arben Putos.

Ky është një lajm i rëndë, që prek familjarët e tij, kolegët, studentët e tij të shumtë dhe disa breza lexuesish të veprës së tij të shkruar.

Profesor Puto ishte nga ata njerëz të rrallë, që jeta ju dha një mundësi të veçantë; jetoi në tre sisteme të ndryshme qeverisjeje, luftoi ndaj dy pushtimeve të huaja duke marrë kështu përvojën jetësore të jashtëzakonshme të qytetarit të angazhuar.

Ai u bë dëshmitar, por dhe protagonist i historisë dhe zhvillimit të shoqërisë shqiptare në kohë thyerjesh të forta dhe të rëndësishme.

Partizan në Luftën e Dytë Botërore, pedagog i jurisprudencës e studiues mbas çlirimit të vendit dhe veprimtar i shquar për të drejtat e njeriut në demokraci, Profesor Puto ishte dhe do të jetë një pikë e rëndësishme e kujtesës sonë; gjirokastriti tipik ishte qytetari i veçantë i Tiranës dhe gjithë Shqipërisë.

Për fat të mirë, përvojën vetjake, juristi historian, akademiku dhe studiuesi i vëmendshëm, e përktheu në një kolanë të gjerë librash të vyer e të çmuar.

Librat e tij janë trashëgimia më e mirë që Profesor Puto le pas për secilin nga ne.

Secili nga to ka qenë frut i një pune të jashtëzakonshme kërkimore në arkiva duke shërbyer dje, por mundet edhe sot, si një lëndë burimore dhe referim edhe për autorë të tjerë.

E dashur Leonora, të dashur Robert dhe Artan, ju lutem pranoni ngushëllimet e mia më të sinqerta! Të gjithë ne kemi humbur një njeri të mirë!

 

Ilir META





Lajmet e fundit nga