web counter
LEXO PA REKLAMA!

SHKARKO APP

App Store
Google Play

E fundit!

x

Për Greqinë, emigranët dhe kryeministrin tonë

11 Nëntor 2016, 15:44, Aktualitet CNA

*Elvi FUNDO

Një rast për të cilin ndoshta duhet heshtur sepse është si shumica e shashkave dhe betejave që kryeministri i vendit tonë i bën për disa vota më shumë. Futet në sherr me Greqinë, shan dhe sulmon një president amerikan, thua se është një rrugaç trotuari e jo kryeministri i një vendi që ka mbi supe miliona halle e probleme.

Del dhe sulmon një president amerikan në CNN, për të detyruar qindra mijë shqiptarë në SHBA të votojnë preferencën e tij, të cilës i çon edhe disa mijëra dollarë nga Partia Socialiste. Në fakt atë shumë PS nga kuotat se mbledh dot për 10 vjet, ato janë para nga taksat e shqiptarëve që korrupsioni qeveritar i çon tek selia socialiste e më pas Rama paguan preferencat e tij në SHBA.

Përtej debatit për sjelljen e tij me SHBA, është edhe sjellja me Greqine. Sjelljen e bën sikur është nacionalist, flet për çështjen came dhe hap tallava politike, jo sikur jemi ne vitin 2016 dhe po shkojmë në BE, por si të ishte një maskara pseudo nacionalist si Haxhi Qamili. Shkon ha e pi me sërbët që i shpall vëllezër, konfliktohet me Kosovën e futet në sherr me grekët.

Në fakt në Greqi janë gati 1 milion shqiptarë, të cilët se bashku me emigrantët në Itali, Europë dhe SHBA kanë ushqyer këtë vend për të paktën 25 vjet. Kanë qenë puna dhe krahët e tyre që kanë mbajtur Shqipërinë shumë e shumë vite, dhe këta 1 milion shqiptare Rama nuk i pyet, nuk do t’ja dijë ai sulmon vendin ku ata jetojnë thua se është një Vunoi ku ai ëndëronte të kalonte pleqërinë me Koço Kokëdhimën, ?dashurinë? e jetës së tij.

Janë mijëra e mijëra fëmijë të lindur e rritur në Greqi, studiojnë aty, edukohen, kulturohen, flasin greqisht, shqip anglisht, shkojnë në universitete, bëjnë shërbimin ushtarak, janë shqiptarë të lindur në Greqi, familjet e tyre kanë vuajtur, janë ropatur për ti rritur aty ku mundën ti ushqenin, pasi në Shqipëri ngelën pa bukë, pa punë, pa shtëpi e katandi.

Shkuan për fëmijët, për të ardhmen e tyre e cila për shumicën është e lidhur atje, po atje në Itali, Greqi, SHBA apo Europe. Pa asnjë kompleks shumica e kanë të lidhur jetën me Greqinë. Janë breza fëmijësh që kanë gjak shqiptar, por këtu vijnë thjesht si turistë, jetojnë në një tjetër vend dhe botë, janë mësuar të mendojnë dhe sillen greqisht, jo si kryeministri ynë që flet e sillet si delirant politik.

Dhe përse e bën këtë kryeministri ynë i panderuar? Sepse do ca vota më shumë në zgjedhjet e ardhshme për këtë ai trondit qindra mijë shqiptarë në Greqi, bën kundër një president amerikan, turbullon Kosovën e kështu me rradhë. Bën sikur është ortodoks, por pastaj kthehet në katolik, thua ju dogj barku për çamërinë, bën si musliman e vëlla Erdoganit,  ikën tek Putini dhe Rusët, sillet si të jetë  “armiku” i Greqisë, në fund është thjesht një aventurier politik që për pushtetin e tij është gati të shkatërrojë kë ti dalë përpara. Por kostot në fund i kanë shqiptarët, emigrantët, të papunët, biznesi, e kështu me rradhë. Kryeministri ynë deliron dhe shqiptarët vuajnë pasojat./*Shkruar për Citynews





Lajmet e fundit nga