web counter
LEXO PA REKLAMA!

SHKARKO APP

App Store
Google Play

E fundit!

x

Shefi i policisë i tregon pistoletën shitësve/ Ademi: Po prodhoni terrorizëm politik në Shkodër z.kryeministër

11 Nëntor 2016, 12:54, Aktualitet CNA

Pas ngjarjes së rëndë sot në Shkodër, ku shefi i Krimit Ekonomik në Policinë e këtij qyteti nxorri pistoletën për të ndalur shitësit e duhanit, ka sjellë edhe reagimin e kryetares së bashkisë, Voltana Ademi.

Kjo e fundit akuzon kryeministrin Rama se po ushtron terrorizëm politik në Shkodër, raporton Citynews.al.

?Ky është terror shtetëror Z.Kryeministër! Ju dhe qeveria juaj po prodhoni terrorizem politik në Shkodër!?, shkruan në rrjetet sociale kryetarja e bashkisë Shkodër, Voltana Ademi.

Doganat zbarkuan sot në lagjen Rus të shkodrës për të sekuestruar duhanin e prodhuar nga fermerët e Shkodrës. Ata u përballën me rezistencën e shitësve të cilët tentuan të rimerrnin sasinë e duhanit që punonjësit e doganave kishin futur në makinën e tyre.

Në këtë kohë, shefi i Krimit Ekonomik, Pjerin Lazri, nxjerr pistoletën në mes të turmës dhe i kërcënon shitësit.

Ky veprim shkaktoi irritimin e shitësve të cilët nisën të qëllonin me pakot e duhanit e sende të tjera punonjësit e doganave dhe të policisë, derisa i detyruan të largohen. /Citynews





Lajmet e fundit nga