web counter
LEXO PA REKLAMA!

SHKARKO APP

App Store
Google Play

E fundit!

x

Nishani mbledh sot Këshillin e Sigurisë Kombëtare/ Nuk ftohet Lulzim Basha

11 Nëntor 2016, 11:21, Aktualitet CNA

Presidenti i Republikës Bujar Nishani mbledh sot Këshillin e Sigurisë Kombëtare për situatën alarmante të kanabisit në mbarë vendin.

Sipas kreut të shtetit, synimi i takimit është këshillimi dhe informimi me anëtarët e Këshillit të Sigurisë Kombëtare mbi situatën e kultivimit dhe trafikimit të bimëve narkotike në territorin e Republikës së Shqipërisë, nisur nga informacionet zyrtare të agjencive ligjzbatuese, të dhënave zyrtare të Policisë së Shtetit, informacionit publik dhe rezultateve të publikuara nga organizmat ndërkombëtare.

Kryeministri Edi Rama ironizoi presidentin duke thënë se duhet të mblidhet Këshilli Kombëtar i PD-së dhe redaksitë e gazetave e të portaleve të SHQUP-it.

?Të mblidhet Këshilli i Sigurisë Kombëtare për kanabisin?! Jo, duhet të mblidhet Këshilli Kombëtar i PD-së?, u shpreh Rama, i cili ndodhet për një vizitë në SHBA.

Një vit më parë, në mbledhjen për rrezikun nga terrorizmi, presidenti Nishani ftoi edhe kreun e Partisë Demokratike, Lulzim Basha, por në këtë mbledhje të Këshillit të Sigurisë Kombëtare për situatën me kanabis, ai nuk do të jetë i pranishëm.

Mbledhja është parashikuar të mbahet në Presidencë në orën 18:00. /Citynews

 





Lajmet e fundit nga