web counter
LEXO PA REKLAMA!

SHKARKO APP

App Store
Google Play

E fundit!

x

Shifrat/ 5 prizrenas janë vrarë në konfliktin në Siri

11 Nëntor 2016, 08:45, Aktualitet CNA

Pesë persona nga rajoni i Prizrenit janë vrarë në konfliktin në Siri, ndërsa nga shtatori i vitit të kaluar asnjë person nuk ka udhëtuar për në shtetin e Lindjes së Mesme, bëjnë me dije drejtuesit e Policisë nga ky rajon, gjatë një tryeze të organizuar dje nga Qendra Kosovare për Studime të Sigurisë.

Skënder Përteshi nga QKSS-ja ka theksuar se në të kaluarën ka pasur një qasje jo të duhur nga institucionet vendore dhe bashkësia ndërkombëtare që e kanë neglizhuar këtë dukuri në Kosovë dhe si pasojë e faktorëve të ndryshëm ndikues një numër i konsiderueshëm i qytetarëve të Kosovës kanë marrë pjesë në luftërat në Siri e Irak.

?Tashti duhet të punojmë më shumë në parandalimin e ekstremizmit të dhunshëm, që të mos e lëmë Policinë të vetmuar, por të gjithë të japim kontributin që mos me pasë qytetarë që bien viktimë të ideologjive të dyshimta?, ka thënë ai.

Ndërsa, drejtori i Policisë rajonale të Prizrenit, Nexhmi Krasniqi, ka theksuar se organet e rendit në këtë rajon janë angazhuar në parandalimin e këtij fenomeni shqetësues. /Koha Ditore/





Lajmet e fundit nga