web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet/ Ministri Dervishaj inspekton qarkun e Vlorës

10 Nëntor 2016, 21:14, Aktualitet CNA

Ministri I Transportit dhe Infrastrukturës Sokol Dervishaj ka zhvilluar disa inspektime në qarkun e Vlorës, duke u njohur nga afër më situatën e krijuar si pasojë e rreshjeve të dendura të ditëve të fundit. Fillimisht Dervishaj u ndal te Ura e Bratit, që u shemb pak ditë më parë. Ministri tha se janë marrë të gjitha masat, që të mos ketë probleme në qarkullim, që po vijon normalisht. Dervishaj u angazhua se pasi të kalojë kjo situatë, do të merren masat dhe do të ndërtohet një urë e re, që do të lidhi banorët e fshatit Brataj me fshatrat Kuç, Bolenë e Tërbaç. Ministri apeloi ndaj drejtuesve të mjeteve që përdorin këtë segment, të jenë të kujdesshëm dhe të respektojnë sinjalistikën.

Ndalesën e radhës Ministri Dervishaj e zhvilloi në Selenicë, ku pati bllokim të aksit kryesor sipasojë e rreshjeve të dëndura. Ministri tha se ka patur probleme në këtë aks, por situata po shkon drejt normalitetit, ndërkohë qarkullimi I automjeteve ka rifilluar normalisht. Dervishaj nënvizoi se në shumë shpejt do të fillojë edhe faza e evidentimit dhe e ndërhyrjes për ti dhënë zgjidhje përfundimtare problemit të bllokimit të aksit rrugor. Por ajo që mbetet e rëndësishme është marrja e masave paraprake për ti përballuar sa më efiçensë situatat emergjentet. Ministri falenderoi edhe punonjësit e mirëmbajtjes që janë angazhuar gjithë këto ditë në terren, duke bërë të mundur që akset kombëtare të jenë kalueshme.

Novosela ishte inspektimi I fundit I Ministrit Dervishaj, zonë që gjithashtu rregjistroi probleme si pasojë e rreshjeve të dendura. Ministri tha se janë marrë masat për të mos patur asnjë bllokim të aksit rrugor, ndërsa institucionet janë në gadishmëri maksimale.





Lajmet e fundit nga