web counter
LEXO PA REKLAMA!

SHKARKO APP

App Store
Google Play

Përplasja me tregtarët e duhanit/ PD: Qeveria mos të guxojë të provokojë shkodranët

11 Nëntor 2016, 14:08, Aktualitet CNA

Partia Demokratike dega Shkodër ka reaguar përmjes një deklarate për media ndaj ngjarjes së sotme të ndodhur në qytetin më të madh verior në vend.

Paraditen e sotme u publikuan pamjet ku shihej shefi i Krimit Ekonomik në Policinë e Shkodrës teksa i tregonte pistoletën tregtarëve të duhanit, të revoltuar me aksionin e Doganave.

Sipas PD Shkodër, kjo ishte ?një nga shfaqjet më brutale të individëve të veshur me pushtetin e qeverisë ndaj disa qytetarëve që merren me tregti aq sa për të mbajtur me bukë fëmijët e tyre, e për të mbijetuar në këtë kohë dramatike për ekonominë dhe qytetarët e Shkodrës?.

Deklarata e nënkryetares së Partisë Demokratike, dega Shkodër, Greta Bardeli

Të dashur qytetarë të Shkodrës, mbarë opinioni publik është njohur me një nga shfaqjet më brutale të individëve të veshur me pushtetin e qeverisë ndaj disa qytetarëve që merren me tregti aq sa për të mbajtur me bukë fëmijët e tyre, e për të mbijetuar në këtë kohë dramatike për ekonominë dhe qytetarët e Shkodrës. Sjellja e të pangopurve, e falangave të dhunës së qeverisë që provokojnë qytetarët në hallin e tyre, është e papranueshme dhe e dënueshme për ne të gjithë si qytetarë.

Partia Demokratike i bën thirrje qytetarëve të denoncojnë dhe të bëjnë publik çdo rast të tillë dhe të gjithë si shoqëri të dënojmë me forcë akte të tilla. Qetësia, respekti, dinjiteti qytetar janë të shenjta dhe inpektorët e qeverisë mos të guxojnë të ngrenë dorën dhe armët ndaj grave, burrave.

Mos të guxojnë të provokojnë qytetarët e Shkodrës.

Të mbështetemi në vlerat tona qytetare dhe të përbuzim së bashku dhunën. /Citynews





Lajmet e fundit nga