web counter
LEXO PA REKLAMA!

SHKARKO APP

App Store
Google Play

E fundit!

x

Policia në aksion për drogën/ Gruaja e hedh në lum

31 Tetor 2016, 17:23, Aktualitet CNA

Kanabisi është kthyer në çështjen kryesore të ditëve të fundit në vend. Kjo edhe për faktin se këto ditë është periudha e korrjes. Policia e Shkodrës ka shpallur në kërkim dy persona pasi dyshohet se janë mbjellës të bimëve të kanabisit.

Burime nga policia bëjnë me dije se të shpallur në kërkim janë shtetasit L.K. 44 vjeç, banues në Pukë dhe A.P. 30 vjeç, banues në Pukë. Sipas policisë pas informacioneve të marra se dy shtetasit kishin fshehur lëndë narkotike gati për shitje, forcat e rendit kanë shkuar në shtëpinë e tyre.

Nga kontrolli i ushtruar si dhe verifikimet e bëra, rezultoi se në banesë këta shtetas kishin fshehur një sasi të dyshuar lëndë narkotike në 2 thasë, por bashkëshortja e shtetasit L.K. e kishte hedhur në lumë dhe kqyrja e vendit të ngjarjes në lumin e fshatit Kryezi u gjet një sasi prej 190 gr lëndë e dyshuar narkotike cannabis sattiva e mbetur nga thasët,  e cila u sekuestrua në cilësinë e provës materiale.

Policia po punon për identifikimin dhe kapjen e autorëve të tjerë të implikuar në këtë veprimtari kriminale.





Lajmet e fundit nga