E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Intervista e Klement Balilit në median greke/ PD: Rama është gati të bëjë gjithçka për “Eskobarin e Ballkanit"

31 Tetor 2016, 13:08, Aktualitet CNA

Pas intervistës së Klement Balilit, ose siç njihet ndryshe ?Eskobari I Ballkanit? dhënë gazetës greke ?Ethnos? ka reaguar edhe Partia Demokratike.

Në një dalje për mediat kreu I Departamentit të Sigurisë në PD, Enkelejd Alibeaj është shprehur se, kryeministri Edi Rama po bën gjithçka për të ndihmuar Balilin.

Sipas zyrtarit të lartë të PD-së, ?I shpallur në kërkim ndërkombëtar dhe i skeduar si ?Eskobari i Ballkanit?, dje me gjuhën e Edi Ramës, Klement Balilaj tha se për këtë fajin e ka Saliu?.

Deklarata e kreut të Departamentit të Rendit dhe Sigurisë, Enkelejd Alibeaj:

Edi Rama po bën çdo përpjekje të shpëtojë Klement Balilajn.

I shpallur në kërkim ndërkombëtar dhe i skeduar si ?Eskobari i Ballkanit?, dje me gjuhën e Edi Ramës, Klement Balilaj tha se për këtë fajin e ka Saliu.

Ndonëse për Balilajn ka një urdhër arresti, Edi Rama i jep mbrojtje, nuk e arreston, madje e ruan me shefat e tij të policisë, ndërsa ai pushon në hotelin e tij luksoz në Sarandë.

Kaq i rëndësishëm është Balilaj për Edi Ramën, sa sipas tij shpallja në kërkim si koka e trafikut të drogës në Ballkan është komplot ?amerikano-grek?, kundër Edi Ramës.

Dhe s?ka faj, në shtetin e Edi Ramës nuk e di ku fillon krimi e ku mbaron shteti, ku fillon shteti e ku mbaron krimi.

Propaganda e Edi Ramës na e nxori Balilajn shenjtor, por meqë është kaq i pafajshëm, meqë atij dhe Edi Ramës po i bien në qafë, opozita, Agjencia Amerikane e Antidrogës, DEA, policia greke, pse nuk ia dorëzon drejtësisë që të vërtetojë pafajësinë e tij?

Agjencia Amerikane e Antidrogës, DEA dhe policia greke kërkojnë arrestimin e Balilajt, por Edi Rama nuk e arreston dot. Sepse ai është peng i krimit dhe i trafikut të drogës. E sollën në pushtet, po e mbajnë në pushtet dhe shpreson se do t?i garantojnë pushtet.

Për para dhe pushtet, Edi Rama është gati të bëjë gjithçka, ta bëjë dhe hero ?Eskobarin e Ballkanit? Klement Balilajn. /Citynews